ہوم » نیوز » عالمی منظر

امریکی صدر ڈونلڈ ٹرمپ نے ٹک ٹاک پر لگائی پابندی، کہا۔ یہ ملک کی سیکورٹی کے لئے خطرہ

یہ پابندی ایگزیکٹو آرڈر پر دستخط کرنے کے 45 دن بعد نافذ العمل ہوگی۔ ٹرمپ نے جمعرات کی دیر رات اس ایگزیکٹو آرڈر پر دستخط کیے ہیں۔

  • Share this:
امریکی صدر ڈونلڈ ٹرمپ نے ٹک ٹاک پر لگائی پابندی، کہا۔ یہ ملک کی سیکورٹی کے لئے خطرہ
امریکی صدر ڈونلڈ ٹرمپ کی فائل فوٹو

واشنگٹن۔ امریکی صدر ڈونلڈ ٹرمپ نے ایک ایگزیکٹو آرڈر پر دستخط کرکے چین کی متنازعہ موبائل ایپ ٹک ٹاک کمپنی بائٹ ڈانس سے لین دین پر پابندی عائد کرنے کا اعلان کیا ہے۔ یہ پابندی ایگزیکٹو آرڈر پر دستخط کرنے کے 45 دن بعد نافذ العمل ہوگی۔ ٹرمپ نے جمعرات کی دیر رات اس ایگزیکٹو آرڈر پر دستخط کیے ہیں۔ اس ایگزیکٹو آرڈر کے مطابق امریکہ میں چین کی بائٹ ڈانس کمپنی اور اس سے منسلک دیگر کمپنیوں کے ساتھ کسی بھی قسم کے لین دین پر پابندی عائد کردی گئی ہے۔ امریکہ میں اب کوئی بھی شخص یا کمپنی بائٹ ڈانس کے ساتھ کوئی لین دین نہیں کر پائے گی۔


ایگزیکٹو آرڈر کے مطابق، چین کے موبائل ایپ کے امریکہ میں پھیلاؤ سے ملک کی قومی سلامتی، خارجہ پالیسی اور معیشت کو خطرہ لاحق ہوتا ہے اس لئے ایسے موبائل ایپ خاص طور پر ٹک ٹاک پر کارروائی کرنا ضروری ہے۔ یہ ایگزیکٹو آرڈر دستخط ہونے کے 45 دن بعد نافذالعمل ہوگا۔ چینی کمپنی بائٹ ڈانس کے اس ایپ پر لاکھوں امریکی شہریوں کی نجی معلومات چوری کرنے کا الزام ہے جس کی تحقیقات ٹرمپ انتظامیہ کررہی ہے۔


اہم بات یہ ہے کہ امریکی بحریہ نے نجی حفاظتی وجوہات کا حوالہ دیتے ہوئے گذشتہ سال اپنے ملازمین سے تمام سرکاری آلات سے اس ایپ کو ہٹانے کی درخواست کی تھی۔ ٹک ٹاک نے ان الزامات کی تردید کرتے ہوئے پہلے کئی مرتبہ کہا ہے کہ وہ صارفین کی معلومات چین نہیں بھیجتا ہے۔ ٹک ٹاک ایک سوشل میڈیا ایپ ہے جس پر صارفین کی معلومات چوری کرنے کا الزام ہے۔


کورونا کے قہر کے بعد سے ہی ڈونلڈ ٹرمپ چین سے بیحد ناراض چل رہے ہیں۔ انہوں نے کئی بار کھلے عام چین پر کورونا پھیلانے کا الزام لگایا ہے۔ ایک ہفتہ پہلے ہی ٹرمپ نے ٹک ٹاک پر پابندی عائد کرنے کا اشارہ دیا تھا۔ انہوں نے کہا تھا کہ کئی سارے متبادل پر بھی غور وفکر کر رہے ہیں۔
Published by: Nadeem Ahmad
First published: Aug 07, 2020 10:59 AM IST
corona virus btn
corona virus btn
Loading