ہوم » نیوز » عالمی منظر

ڈونلڈ ٹرمپ 24 فروری کو اپنی اہلیہ میلانيا ٹرمپ کے ساتھ ہندوستان آئیں گے

وائٹ ہاؤس نے منگل کو ایک بیان جاری کر کے اس کی تصدیق کی۔ ٹرمپ کے ساتھ ان کی اہلیہ میلانيا ٹرمپ بھی ہندوستان آئیں گی۔

  • UNI
  • Last Updated: Feb 11, 2020 11:29 AM IST
  • Share this:
ڈونلڈ ٹرمپ 24 فروری کو اپنی اہلیہ میلانيا ٹرمپ کے ساتھ ہندوستان آئیں گے
ٹرمپ 24 فروری کو ہندوستان آئیں گے: فائل فوٹو

واشنگٹن / نئی دہلی۔ امریکی صدر ڈونلڈ ٹرمپ 24 فروری کو دو روزہ دورے پر ہندوستان آئیں گے۔ وائٹ ہاؤس نے منگل کو ایک بیان جاری کر کے اس کی تصدیق کی۔ ٹرمپ کے ساتھ ان کی اہلیہ میلانيا ٹرمپ بھی ہندوستان آئیں گی۔ وائٹ ہاؤس کی جانب سے جاری بیان کے مطابق امریکی صدر اور ان کی اہلیہ نئی دہلی اور احمد آباد جائیں گے۔



مودی اور ٹرمپ کے درمیان اس ہفتہ کے آخر میں فون پر بات چیت ہوئی تھی جس میں دونوں رہنماؤں نے اس بات پر اتفاق کیا کہ یہ دورہ ہندوستان -امریکہ کے درمیان اسٹریٹجک پارٹنرشپ كو اور مضبوط کرنے کے علاوہ دونوں ممالک کے لوگوں کے درمیان تعلقات کو بہتر بنائے گا۔ وزارت خارجہ نے بھی ایک بیان جاری کر کے امریکی صدر کے ہندوستان دورے کی تصدیق کی ہے۔ ہندوستان اور امریکہ کے درمیان عالمی اسٹریٹجک شراکت داری، مشترکہ اقدار، باہمی احترام اور افہام و تفہیم پر مبنی ہیں۔ یہ تعاون دونوں ممالک کے لوگوں کے درمیان دوستانہ تعلقات کو اجاگر کرتی ہے۔

مودی اور ٹرمپ کی قیادت میں یہ تعلقات اور بھی بہتر ہوئے ہیں۔ دونوں ممالک کے درمیان تجارت، دفاع، دہشت گردی، توانائی، علاقائی اور عالمی امور پر تعاون کے ساتھ ساتھ لوگوں سے لوگوں کے درمیان تعلقات میں اہم پیش رفت ہوئی ہے۔ امریکی صدر کا یہ دورہ دو طرفہ تعلقات میں پیش رفت کا جائزہ لینے اور ہماری اسٹریٹجک شراکت داری کو مزید مضبوط کرنے کا موقع فراہم کرے گا۔
First published: Feb 11, 2020 11:29 AM IST