امریکی صدارتی الیکشن: نکی ہیلی نے شروع کی انتخابی مہم، کہا-ہندوستانی تارکین وطن کی بیٹی ہونے پر فخر

ریپبلکن پارٹی کی جانب سے 2024 کے صدارتی عہدے کا انتخاب لڑنے کے اعلان کے ہندوستانی نژاد امریکی سیاستداں نکی ہیلی نے بدھ کو آفیشل طور پر انتخابی مہم کا آغاز کردیا ہے۔ انہوں نے  ساوتھ کیرولینا سے اپنی انتخابی مہم شروع کی۔ اس موقع پر ہیلی نے کہا کہ انہوں نے اپنی زندگی اس انتخابی لڑائی کے لیے وقف کردی ہے۔ ایک مضبوط اور پروقار امریکہ کے لیے وہ صدارتی عہدے کے لیے میدان میں اتر رہی ہیں۔

ہیلی نے کہا، ’ میں آپ کے سامنے تارکین وطن کی بیٹی، ایک جنگجو کی بیوی اور دو بچوں کی ماں کے طور پر کھڑی ہوں۔ میں نے ساوتھ کیرولینا کے گورنر اور اقوام متحدہ میں امریکہ کی سفیر کے طور پر خدمات انجام دی ہیں۔ ان سب سے بالاتر، میں ایک خوددار امریکی شہری ہوں، جسے پتہ ہے کہ ہمارے سب سے اچھے دن آنے ابھی باقی ہیں، اگر ہم متحدہ ہوں اور اپنے ملک کو بچانے کے لیے لڑیں۔‘

#WATCH | Former US Ambassador to UN Nikki Haley announces her candidacy for US President 2024 pic.twitter.com/otGnTk5Wno

— ANI (@ANI) February 15, 2023

جنوبی کیرولینا کی سابق گورنر ہیلی نے کہا کہ ان کے والدین بہتر زندگی کی تلاش میں ہندوستان سے امریکہ آئے اور جنوبی کیرولینا کے بامبرگ میں آباد ہوئے۔ انہوں نے کہا، میرے والدین ہر روز ہمارے بھائیوں اور بہنوں کو یاد دلاتے تھے کہ امریکہ ہمارے بدترین دن میں ہمارے ساتھ کھڑا ہے۔ ہم اس کے لیے شکر گزار ہیں۔

یہ بھی پڑھیں:

طوفان کے بعد نیوزی لینڈ پر قدرت کا ایک اور قہر، سیلاب کے درمیان اب آیا شدید زلزلہ

یہ بھی پڑھیں:

رجب طیب اردگان کا بڑا بیان ’ہم اس وقت تک چین سے نہیں رہیں گے، جب تک کہ اپنے آخری شہری....‘

امریکی صدر جو بائیڈن پر حملہ کرتے ہوئے ہیلی نے کہا کہ آج امریکہ پچھڑ رہا ہے۔ جوبائیڈن اس ناکامی کی علامت ہیںَ اب ہمارے لیڈر حکومت پر زیادہ بھروسہ کرتے ہیں اور امریکہ کے لوگوں پر بہت کم بھروسہ کرتے ہیں۔ انہوں نے کہا کہ قومی قرض 30 ٹریلین ڈالر ہے۔ یہ وہ امریکہ نہیں ہے، جس کے لیے میرے والدین یہاں آئے تھے۔