خواتین کو "سیکس سلیو" بناکر کرتا تھا ایسا گھنونا کام ، خود ساختہ "سیلف ہیلپ" گرو کو ملی یہ بڑی سزا

خود کو سیلف ہیلپ گرو بتانے والے اور خواتین کو سیکس سلیو بنانے والے شخص کیتھ رینیئر کو امریکہ کی ایک عدالت نے 120 سال کی سزا سنائی ہے ۔ کیتھ پر کئی خواتین نے بہکا کر سیکس سلیو بنانے اور بعد میں ان کا جنسی استحصال کرنے کا الزام لگایا تھا ۔ بتادیں کہ کیتھ کے فالوورس میں کئی مشہور اور زیادہ تر امیر شخصیات تھیں ۔ کیتھ نے اس کلٹ کو Nxivm  کا نام دیا تھا ۔

منگل کو نیویارک کی ایک عدالت نے کیتھ کو ان سبھی الزامات میں قصوروار قرار دیتے ہوئے عمر قید کی سزا سنائی ۔ 60 سال کے کیتھ کو 120 سال کی سزا سنائی ، جس کا مطلب ہے کہ وہ اب جیل سے باہر ہی نہیں آپائے گا ۔ اطلاعات کے مطابق کیتھ اپنے فالوورس سے پانچ روزہ سیشن کے لئے پانچ ہزار ڈالر لیتا تھا ۔ کئی خواتین نے الزام لگایا کہ کیتھ نے نہ صرف ان کے ساتھ پیسوں کی ٹھگی کی بلکہ ان کا جنسی استحصال بھی کیا ۔

کئی خواتین نے کیتھ پر سیکس پریکٹس کے دوران تصاویر اور ویڈیوز بنالینے اور بعد میں ان کے ذریعہ بلیک میل کرنے کے بھی الزامات عائد کئے تھے ۔ کئی خواتین کے ساتھ کیتھ کے آشرم میں جانوروں سے بھی بدتر سلوک ہوتا تھا اور انہیں ہر کسی کے ساتھ سیکس کرنے کیلئے مجبور کیا جاتا ہے ۔ کیتھ کے خلاف ٹھگی ، سیکس ٹریفکنگ ، ایکسٹورشن ، مجرمانہ سازش اور ایک 15 سال کی نابالغ لڑکی کے جنسی استحصال کے الزامات ثابت ہوئے ہیں ۔ لڑکی نے عدالت کو بتایا کہ کیتھ نے اس کو بہکا کر سیکس سلیو بننے کیلئے مجبور کیا تھا ۔

کیتھ کے خلاف کل 15 لوگوں نے گواہی دی ، جس میں 13 خواتین تھیں ۔ کیتھ نے منگل کو فیصلہ سنائے جانے سے پہلے سبھی متاثرین سے معافی مانگی اور کہا کہ وہ ان کا درد اور غصہ سمجھ سکتا ہے ۔ اس نے نہ صرف اپنا جرم قبول کیا ، بلکہ خود کو سزا دینے کیلئے جج سے بھی درخواست کی ۔ کیتھ کے ساتھ اس کے پانچ دیگر ساتھیوں کو بھی سزا سنائی گئی ہے ۔