ایران سے نمٹنے کے لئے سعودی عرب میں اضافی فوج کی تعیناتی کرے گا امریکہ

نئی دہلی۔  امریکہ نے ایران سے نمٹنے کے لئے جمعہ کو ایک بڑا اعلان کیا ہے۔ امریکی وزیر خارجہ مائیک پومپیو نے اعلان کیا ہے کہ امریکہ سعودی عرب میں اضافی فوج بھیجے گا۔ اس کے ساتھ ہی اضافی فوجی ساز وسامان بھی وہاں بھیجے جائیں گے۔ پومپیو کا کہنا ہے کہ ایسا حفاظتی صلاحیتوں کو بڑھانے اور ایران کی طرف سے کئے جانے والے حملے کو کم کرنے کے مقصد سے کیا جا رہا ہے۔

The United States is deploying additional forces and military equipment to Saudi Arabia to enhance its defensive capabilities and to help restore deterrence against Iranian aggression.

— Secretary Pompeo (@SecPompeo) October 11, 2019

مائک پومپیو نے اس سلسلہ میں ٹویٹ کیا ہے۔ انہوں نے ایران کو ایک عام ملک کی طرح برتاؤ کرنے کی وارننگ دی ہے۔ پومپیو نے کہا کہ ایرانی انتظامیہ کو بنیادی طور پر اپنا برتاؤ بدلنا چاہئے اور ایک عام ملک کی طرح پیش آنا چاہئے۔ اگر ایران ایسا نہیں کرتا ہے تو وہ اپنے معاشی نظام کو ختم ہوتا دیکھے گا۔

The Iranian regime must fundamentally change its behavior and act like a normal nation. Or it can watch its economy collapse.

— Secretary Pompeo (@SecPompeo) October 11, 2019

اس پر مائیک پومپیو نے ٹویٹ کر کے کہا تھا ’’ سعودی عرب پر تقریبا 100 حملوں کے لئے تہران ذمہ دار ہے جبکہ ایران کے صدر حسن روحانی اور وزیر خارجہ جواد ظریف سفارت کاری میں شامل ہونے کا دکھاوا کرتے ہیں۔ کشیدگی کم کرنے کے مطالبات کے دوران ایران نے اب دنیا کی توانائی سپلائی پر ایک غیر متوقع حملہ کیا ہے۔ ان حملوں میں یمن کا ہاتھ ہونے کے کوئی ثبوت نہیں ہیں‘‘۔