واٹس ایپ نے ایپ اپ ڈیٹس اور ٹپس کے لیے آفیشل چیٹ کا کیاآغاز، یہ ہے سب سے بڑا فائدہ!

میٹا کی ملکیت والے واٹس ایپ نے اپنے پلیٹ فارم پر آفیشل چیٹ شروع کی ہے جہاں صارفین ایپ کے بارے میں تازہ ترین معلومات حاصل کر سکتے ہیں، اس میں اپ ڈیٹس اور آئی او ایس اور اینڈرائیڈ پر استعمال کرنے کے طریقے بھی بتائیں جائیں گے۔ ڈبلیو اے بیٹا انفو کے مطابق چیٹ پر گرین بیج کے ساتھ نشان لگایا گیا ہے اور اس میں ایپ کو استعمال کرنے کے طریقے کے ساتھ ساتھ نئے فیچرس اور اپ ڈیٹس کے بارے میں معلومات بھی شامل ہیں۔

ویریفائیڈ بیجز اس بات کو یقینی بناتے ہیں کہ چیٹ جائز ہے، جس سے صارفین کو گھوٹالوں یا فریب کاری کی کوششوں کا شکار ہونے سے روکنے میں مدد ملتی ہے جو آفیشیل واٹس ایپ اکاؤنٹ کی نقل کرتے ہیں۔ مزید یہ کہ رپورٹ میں کہا گیا ہے کہ آفیشل چیٹ میں ان پیغامات کو موصول ہونے کا فائدہ یہ ہے کہ صارفین خود تازہ ترین معلومات تلاش کیے بغیر اس سے بہ آسانی مطلع رہ سکتے ہیں۔

صارفین واٹس ایپ سے براہ راست اپ ڈیٹس بھی حاصل کر سکتے ہیں اور اگر وہ اطلاعات موصول نہیں کرنا چاہتے تو وہ ہمیشہ چیٹ کو آرکائیو، سائلنٹ یا بلاک کر سکتے ہیں۔ رپورٹ میں مزید بتایا گیا ہے کہ واٹس ایپ کی جانب سے آفیشل چیٹ میں بھیجے گئے پہلے پیغام میں بتایا گیا ہے کہ پیغامات کو غائب کرنے کا طریقہ بھی بتایا جائے گا۔ غائب ہونے والے پیغامات ایک فیچر ہے جو صارفین کو ایسے پیغامات بھیجنے کی اجازت دیتی ہے جو ایک مخصوص مدت کے بعد بھیجنے والے اور وصول کنندہ کی چیٹ سے غائب ہو جاتے ہیں۔

یہ بھی پڑھیں: 

• رمضان المبارک میں اپنے دانتوں پریوں دیں توجہ، یہ ہیں ضروری نکات، ورنہ غفلت سےآپ کےدانت...!


• امرت پال سنگھ کی تلاشی 8 ویں دن میں داخل، مفرور کی گرفتاری کیلئے پولیس ہائی الرٹ نافذ


• میرٹھ: یعقوب قریشی کی سرائے بہلیم کی 13 کروڑ کی کوٹھی ضبط، افراد خاندان نے ظاہر کیا اعتراض


• ہندوستان-عراق کے NSAکے درمیان ہوئی بات چیت،دہشت گردی سے لڑنے اورباہمی تعاون پرہوئی بات چیت

رپورٹ میں کہا گیا ہے کہ واٹس ایپ کی نئی آفیشل چیٹ فی الحال کچھ صارفین کے لیے دستیاب ہے اور یہ واضح نہیں ہے کہ لوگوں کو کیسے منتخب کیا جاتا ہے کیونکہ یہ بے ترتیب انتخاب لگتا ہے۔

دریں اثنا میٹا نے ونڈوز کے لیے ایک نئی واٹس ایپ ایپ متعارف کرائی ہے جو تیزی سے لوڈ ہوتی ہے اور ایپ کے موبائل ورژن کی طرح ایک انٹرفیس کی خصوصیات رکھتی ہے۔