ہوم » نیوز » عالمی منظر

ڈبلیو ایچ او نے مسلمانوں کے مقدس شہر مدینہ منورہ کو صحت افزا شہر قراردیا ، بتائی یہ بڑی وجہ

مدینہ منورہ کی آبادی 20 لاکھ سے زائد افراد پر مشتمل ہے۔ اس حوالہ سے عالمی ادارہ صحت نے سرٹیفکیٹ بھی جاری کردیا ہے ۔

  • Share this:
ڈبلیو ایچ او  نے مسلمانوں کے مقدس شہر مدینہ منورہ کو صحت افزا شہر قراردیا ، بتائی یہ بڑی وجہ
ڈبلیو ایچ او نے مسلمانوں کے مقدس شہر مدینہ منورہ کو صحت افزا شہر قراردیا،بتائی یہ بڑی وجہ ۔ فائل فوٹو ۔

دنیا کے مسلمانوں کے انتہائی مقدس سعودی عرب کے شہر مدینہ منورہ کو ورلڈ ہیلتھ آرگنائزیشن (ڈبلیو ایچ او) نے دنیا کے صحت افزا شہروں میں سے ایک شہر قرار دے دیا۔ عالمی ادارہ صحت کی ایک ٹیم نے مدینہ منورہ کا دورہ کیا اور صحت سے متعلق تمام سہولیات کا جائزہ لے کر قرار دیا کہ صحت مند شہر کیلئے جتنے عالمی معیارات طے کئے گئے تھے، مدینہ منورہ ان عالمی معیاروں پر پورا اترتا ہے۔


مدینہ منورہ کی آبادی 20 لاکھ سے زائد افراد پر مشتمل ہے۔ اس حوالہ سے عالمی ادارہ صحت نے سرٹیفکیٹ بھی جاری کردیا ہے ۔ سعودی عرب کے وزیر صحت نے عالمی ادارہ صحت کی جانب سے مدینہ منورہ کو جاری کیا گیا صحت مند شہر کا سرٹیفکیٹ گورنر مدینہ شہزادہ فیصل بن سلمان کو پیش کیا ۔


ڈبلیو ایچ او کی جانب سے صحت افزا شہروں کے تعین کرنے والی کمیٹی میں 22 حکومتی، کمیونٹی اور رضاکار تنظیموں کے نمائندے شامل ہوتے ہیں جو عالمی ادارے کی ایکریڈیشن تیار کرنے میں معاونت کرتے ہیں۔


سعودی عرب میں مرکزی بینک کے گونر تبدیل

سعودی عرب کے شاہ سلمان بن عبدالعزیز نے اتوار کو متعدد نئے فرامین جاری کیے ہیں۔ ان میں ایک فرمان کے تحت ڈاکٹراحمد عبدالکریم الخلیفی کو سعودی عرب کے مرکزی بینک کے گورنر کے عہدے سے ہٹا دیا گیا ہے اور ان کی جگہ ڈاکٹر فہد بن عبداللہ بن عبداللطیف المبارک کو نیا گورنرمقرر کیا ہے۔ان کا عہدہ وزیر کے برابر ہوگا۔

یو این آئی کے ان پٹ کے ساتھ ۔
Published by: Imtiyaz Saqibe
First published: Jan 25, 2021 10:33 AM IST