تہران: ایران نے پیر کے روز توہین مذہب کیس میں 2 افراد کو پھانسی دے دی ہے۔ اوسلو میں قائم گروپ ایران ہیومن رائٹس کے مطابق، صرف اس سال کے آغاز سے ہی کم از کم 203 قیدیوں کو پھانسی دینے میں ایران دنیا میں نمبر پر بنا ہوا ہے۔ حکام کے مطابق ان دونوں کو مئی 2020 میں قرآن جلانے اور پیغمبر اسلام کی توہین کے الزام میں گرفتار کیا گیا تھا۔

اے پی کی رپورٹ کے مطابق جن دو افراد کو پھانسی دی گئی ہے ان کی شناخت یوسف مہراد اور صدر اللہ کے طور پر ہوئی ہے۔ اطلاعات کے مطابق انہیں پیر کے روز وسطی ایران کی اراک جیل میں پھانسی دی گئی۔ یو ایس کمیشن برائے بین الاقوامی مذہبی آزادی کے مطابق، اسے مئی 2020 میں ٹیلی گرام ایپ پر "توہم پرستی اور مذہب کی تنقید" نامی چینل میں ملوث ہونے پر گرفتار کیا گیا تھا۔ کمیشن نے کہا کہ دونوں افراد کو مہینوں تک قید تنہائی میں رکھا گیا، جہاں وہ اپنے اہل خانہ سے رابطہ بھی نہیں کر سکتے تھے۔

شردھا والکر قتل کیس: آفتاب پونا والا پر چلے کا قتل کا کس، دہلی کی عدالت نے طے کئے الزام

ایران کی عدلیہ کی میزان نیوز ایجنسی نے پھانسی کی تصدیق کی ہے۔ ان دونوں پر پیغمبر اسلام محمد کی توہین اور الحاد کو فروغ دینے کا الزام تھا۔ ایجنسی کے مطابق، دونوں نے متعدد اکاؤنٹس چلائے جن میں پیغمبر یا قرآن پر تنقید کی جاتی تھی، حالانکہ یہ واضح نہیں تھا کہ آیا کہ ان لوگوں نے مبینہ طور پر ایسا کیا تھا یا صرف ان کی تذلیل کرنے کے لیے ٹیلی گرام چینل پر ایسی تصاویر شیئر کی گئی تھیں۔



ایران ہیومن رائٹس کے مطابق 2022 میں ایران نے 582 افراد کو پھانسی دی جبکہ 2021 میں یہ تعداد 333 تھی۔ ایمنسٹی انٹرنیشنل کی سزائے موت سے متعلق تازہ ترین رپورٹ میں ایران کو دنیا کا دوسرا سب سے بڑا پھانسی دینے والا ملک قرار دیا گیا ہے۔ چین پہلے نمبر پر ہے جہاں یہ خیال کیا جاتا ہے کہ ایک سال میں ہزاروں افراد کو موت کے گھاٹ اتار دیا جاتا ہے۔