ڈونلڈ ٹرمپ پر 20 لاکھ ڈالر کا جرمانہ عائد، امریکی عدالت نے دیا حکم

یہ معاملہ جون 2018 میں ڈونلڈ ٹرمپ فاؤنڈیشن کے خلاف درج کیا گیا تھا جس میں ٹرمپ کی طرف سے چیریٹی کی رقوم کا ذاتی، تجارتی اور سیاسی مفادات میں استعمال کئے جانے کا الزام تھا۔

Nov 08, 2019 11:40 AM IST | Updated on: Nov 08, 2019 11:41 AM IST
ڈونلڈ ٹرمپ پر 20 لاکھ ڈالر کا جرمانہ عائد، امریکی عدالت نے دیا حکم

ڈونلڈ ٹرمپ: فائل فوٹو

واشنگٹن۔ نیویارک کی ایک عدالت نے صدر ڈونلڈ ٹرمپ کی طرف سے سنہ 2016 میں چیریٹی فنڈ کا صدارتی انتخابات میں استعمال کرنے سے متعلق معاملے میں بیس لاکھ ڈالر کا جرمانہ عائد کیا ہے۔ نیویارک اٹارنی جنرل لیٹیا جیمز کے دفتر نے جمعرات کو ایک بیان جاری کر کے  یہ اطلاع دی ۔

بیان میں کہا گیا’’نیویارک اٹارنی جنرل لیٹیا جیمز نے آج اطلاع دی کہ  ٹرمپ نے سنہ 2016 کے صدارتی انتخابات میں چیریٹی اداروں کا اپنی انتخابی مہم کے لئے غلط طریقے سے استعمال کیا تھا جس کے کے لئے ان پر بیس لاکھ ڈالر کا جرمانہ عائد کیا گیا ہے‘‘ ۔ واضح رہے کہ یہ معاملہ جون 2018 میں ڈونلڈ ٹرمپ فاؤنڈیشن کے خلاف درج کیا گیا تھا جس میں  ٹرمپ کی طرف سے چیریٹی کی رقوم کا ذاتی، تجارتی اور سیاسی مفادات میں استعمال کئے جانے کا الزام تھا۔

اس معاملے میں ڈونلڈ ٹرمپ نے ٹرمپ فاؤنڈیشن کی رقوم کا غلط استعمال کرنے کے الزام کا اعتراف کیا ہے اور مستقبل میں خیراتی خدمات پر پابندی عائد کرنے اور نیویارک کے اٹارنی جنرل کو مسلسل رپورٹنگ کرنے پر رضا مندی ظاہر کی ہے۔

Loading...

Loading...