پلوامہ امتحان مراکزپر مشتبہ دہشت گردوں نے سکیورٹی فورسز پر چلائی گولی ، سرچ آپریشن جاری

حالانکہ راحت کی بات یہ ہے کہ اس حملے میں کوئی زخمی نہیں ہوا۔ واقعے کے بعد فوج نے علاقے کا محاصرہ کر لیا اور تلاشی مہم چلائی جارہی ہے۔

Oct 29, 2019 05:45 PM IST | Updated on: Oct 29, 2019 05:55 PM IST
پلوامہ امتحان مراکزپر مشتبہ دہشت گردوں نے سکیورٹی فورسز پر چلائی گولی ، سرچ آپریشن جاری

سری نگر: جموں۔کشمیر کے پلوامی میں منگل کو ہندستانی فوج کی پٹرول پارٹی پر دہشت گردوں نے حملہ کیا۔ یہاں کے دربگام میں واقع بورڈ امتحان سینٹر کے پاس دہشت گردوں نے فائرنگ کی۔ حالانکہ راحت کی بات یہ ہے کہ اس حملے میں کوئی زخمی نہیں ہوا۔ واقعے کے بعد فوج نے علاقے کا محاصرہ کر لیا اور تلاشی مہم چلائی جارہی ہے۔

سرکاری ذرائع نے بتایا کہ پلوامہ کے دربگام میں دہشت گردوں نے سلامتی فورسزکے گشتی ٹیم پر گولی باری کی۔ سلامتی فورسز نے جوابی کارروائی کی جس کی وجہ سے دونوں جانب سے کچھ دیر تک گولی باری ہوتی رہی۔ گولی باری میں کسی کے زخمی یا ہلاک ہونے کی خبر نہیں ہے۔


انہوں نے بتایا کہ حملے کے بعد دہشت گرد جائے واقع سے فرار ہونے میں کامیاب ہوگئے۔ نزدیک میں واقع کیمپوں سے مزید سلامتی فورسز کو بلایا گیا ہے اور علاقے میں گھیرابندی اور تلاشی مہم شروع کردی گئی ہے۔ واضح رہے کہ سلامتی سز پر حملہ اس دن ہوا ہے جب یورپی یونین کا 23 رکنی پارلیمانی وفد آرٹیکل 370 اور 35 اے منسوخ کئے جانےکے بعدکی صورت حال کا جائزہ لینے کے لئے وادی کشمیر پہنچا ہے۔

Loading...