ہوم » نیوز » جموں وکشمیر

جموں وکشمیر: رواں سال میں 19دہشت گرد ہلاک، امرناتھ یاترا کیلئے سی سی ٹی وی اورڈرون کا ہوگا استعمال

کشمیر میں سیکورٹی فورسز نے رواں برس کے دوران ابھی تک نو جھڑپوں کے دوران اُنیس ملی ٹنٹوں کو مار گرایا ہے۔ اس بات کا انکشاف آئی جی پی کشمیر وجے کمار نے سری نگر میں ایک پریس کانفرنس کے دوران کیا۔

  • Share this:
جموں وکشمیر: رواں سال میں 19دہشت گرد ہلاک، امرناتھ یاترا کیلئے سی سی ٹی وی اورڈرون کا ہوگا استعمال
جموں وکشمیر: رواں سال میں 19دہشت گرد ہلاک، امرناتھ یاترا کیلئے سی سی ٹی وی اورڈرون کا ہوگا استعمال

سری نگر: کشمیر میں سیکورٹی فورسز نے رواں برس کے دوران ابھی تک نو جھڑپوں کے دوران 19 دہشت گردوں کو مارگرایا

ہے۔ اس بات کا انکشاف آئی جی پی کشمیر وجے کمار نے سری نگر میں ایک پریس کانفرنس کے دوران کیا۔ آئی جی پی

کے مطابق، مارے گئے دہشت گردوں میں البدرتنظیم کا کمانڈر غنی خواجہ اور جیش کا کمانڈر سجاد افغانی بھی شامل ہے۔

آئی جی پی نے کہا کہ اس دوران پولیس اور دیگر سیکورٹی فورسز کے 4 اہلکار بھی ملک کے کام آئے۔


رواں سال کے تین مہینوں میں 18 نوجوان دہشت گردانہ صفوں میں شامل ہوئے، جن میں سے پانچ مارے گئے ہیں اور تین گرفتار ہوئے۔ آئی جی پی کشمیرکا کہنا ہے کہ 7 ایسے نوجوان جو دہشت گردانہ صفوں میں شامل ہونے والے تھے، اُن کو واپس گھر پہنچا دیا گیا۔ سیکورٹی فورسز کے مطابق کشمیر میں 200 دہشت گرد سرگرم ہیں۔

امرناتھ یاترا کے سلسلے میں حفاظتی انتظامات کا ذکرکرتے ہوئے آئی جی پی کشمیر وجے کمار نےکہا کہ یاترا کے پورے راستے پر سی سی ٹی وی اور ڈرون کے ذریعہ چاروں پہر نظر رکھی جائے گی۔ اسٹک بم کی موجودگی کو اُنھوں نے ایک چلینج قرار دیا، لیکن کہا کہ حفاظتی عملہ کسی بھی طرح کے چلینج سے نمٹنے کے لئے تیار ہے۔ آئی جی پی
کشمیر کا کہنا ہے کہ نئے چلینجزکے مطابق، ہی فورسز نے اپنی پالیسی اور ضابطہ عمل تبدیل کیا ہے۔ انھوں نےکہا کہ یاترا کے پورے روٹ پر چاروں پہر سیکورٹی دستوں کی گشت رہے گی۔
Published by: Nisar Ahmad
First published: Mar 22, 2021 11:58 PM IST