J&K News: بارہمولہ پٹن پولیس نے ہٹ اینڈ رن کیس کا معاملہ کیا حل، ملزم گرفتار

بارہمولہ : شمالی کشمیر کے ضلع بارہمولہ پٹن پولیس نے ہٹ اینڈ رن کیس کا معاملہ ایک قلیل مدت میں حل کیا ہے۔ پولیس نے ملزم کو گرفتار کرکے سلاخوں کے پیچھے دھکیل دیا ہے۔ واضح رہے کہ ضلع بارہمولہ کے پٹن میں گیارہ مئی کو شام کے وقت سوپور سے تعلق رکھنے والا ایک نوجوان محمد مقصود اور دیگر لوگ سڑک سے گرے ہوئے درخت کی شاخیں ہٹا رہے تھے جو تیز ہواؤں کی وجہ سے گرے ہوئے تھے جس سے راستے میں چلنے کی دشواریاں پیش آرہی تھی۔

 

یہ بھی پڑھئے: کشمیر میں سال رواں اب تک 29 غیر ملکی دہشت گردوں سمیت 100 ہلاک

اس دوران مقصود کو ایک تیز رفتار ڈمپر نے ٹکر مار دی، جس کے بعد ملزم ڈرائیور متوفی کو اسپتال لے جانے کی بجائے موقع سے فرار ہوگئے اورپھر گاڑی کو نوگام سرینگر کے سروس سینٹر پہنچایا جہاں وہ ڈمپر کو تبدیل کرنے کی کوشش کر رہا تھا ۔

 

یہ بھی پڑھئے: جنگ بندی معاہدہ پر پابندی سے عمل جاری، سرحدی علاقوں میں خوشی کا ماحول

پٹن پولیس کی بروقت کارروائی اور سخت کوششوں کے بعد ملزم ڈرائیور کو شیری بارہمولہ سے ایک ماہ سے زائد عرصہ بعد گرفتار کیا گیا، جس کے خلاف پہلے ہی پولیس اسٹیشن پٹن میں کیس درج ہے۔ مقامی لوگوں نے پٹن پولیس کی سراہنا کی۔ غور طلب بات یہ ہے کہ پٹن پولیس اس معاملہ سے پہلے بھی کئی ایسے ہی قتل کے معاملات حل کئے ہیں اور ملوثین کو کڑی سزا دی گئی۔

ادھر سرینگر بارہمولہ نیشنل ہائی وے پر آئے روز حادثات پیش آتے رہتے ہیں جنہیں روکنے کی اشد ضرورت ہے۔ اس ہائی وے پر کئی لوگوں کی جانیں بھی تلف ہوچکی ہے۔