بی ایس ایف نے گزشتہ چار دنوں کے دوران پاکستان سے بھیجے گئے پانچ ڈرونز کو مار گرایا

رمیش امباردار

جموں : بی ایس ایف نے گزشتہ چار روز کے دوران سرحد پر پانچ ڈرون گرا دئے ہیں۔ یہ ڈرون پاکستان کی طرف سے ہندوستانی علاقے میں ہتھیاراور منشیات لے کر بھیجے گئے تھے۔ بی ایس ایف نے کل پنجاب کی سرحد پر منشیات سے لدے ایک ڈرون کو گرادیا ہے۔ یہ ڈرون منشیات کی کھیپ گرانے کے لئے ہندوستانی علاقے میں داخل ہوا تھا۔ گرائے گئے ڈرون سے دو کلو سو گرام ہیروین، ایک لوہے کی انگوٹھی برآمد کی گئی ہے۔ اس ڈرون سے ایک ٹارچ بھی برآمد کی گئی ہے۔

بی ایس ایف کے ایک ترجمان کے مطابق گزشتہ چار روز میں سیکورٹی فورسز نے پاکستانی سرحد سے متصل پانچ ڈرون گرادئے ہیں، جو پاکستان کی جانب سے ہندوستانی علاقے میں داخل ہونے کی کوشش کر رہے تھے۔ یہ بات قابل ذکر ہے کہ پاکستان جموں و کشمیر اور پنجاب میں سرحد اور کنٹرول لائن کے اس پار سے ہتھیار اور منشیات کو ہندوستانی علاقے تک پہنچانے کے لئے ڈرونز کا استعمال کررہا ہے ۔

تاہم جموں و کشمیر اور پنجاب کے سرحدوں پر تعینات سیکورٹی فورسز نے بیشتر بار پاکستان کی ایسی سازشوں کو ناکام  بنا کر کافی تعداد میں ہتھیار اور منشیات کی مقدار برآمد کر لی ہے۔ جموں و کشمیر کے سانبہ اور کٹھوعہ کے سیکٹروں میں آئے  روز پاکستان کی طرف سے ڈرونز کو ہندوستانی علاقے میں داخل کرانے کی کوششیں ہوتی رہتی ہیں اور ان کوششوں کے دوران ابھی تک کئی بار ہندوستانی علاقے می ہتھار بھی گرا دئے گئے ۔

یہ بھی پڑھئے: 'اس میں آپ کا نقصان، ہمارا نہیں'، کشمیر میں جی 20 میٹنگ سے چین کی غیرحاضری پر ہندوستان کا دو ٹوک جواب

یہ بھی پڑھئے: پونچھ میں جی 20 اجلاس کے لیے سخت سکیورٹی، شہر کی طرف آنے والی گاڑیوں کی چیکنگ

تاہم جموں و کشمیر پولیس کی بر وقت کاروائی سے کئی مرتبہ ہتھیاروں کی کھیپ ضبط کی گئی اور اس طرح پاکستان کی ناپاک سازشوں کو ناکام کردیا گیا۔