اپوزیشن کے بائیکاٹ کے درمیان عمر عبداللہ نے کی پارلیمنٹ کی نئی عمارت کی تعریف، کہی یہ بات

سری نگر: نیشنل کانفرنس کے لیڈر عمر عبداللہ نے کہا کہ پارلیمنٹ کی نئی عمارت خوش آئند ہے اور شاندار لگ رہی ہے۔ انہوں نے یہ تبصرہ ایک ایسے وقت میں کیا ہے جب ان کی پارٹی سمیت کئی اپوزیشن جماعتوں نے نئے پارلیمنٹ ہاؤس کے افتتاحی پروگرام کا بائیکاٹ کرنے کا اعلان کیا ہے۔ عبداللہ نے کہا کہ جب وہ لوک سبھا کے رکن تھے تو ان کے بہت سے ساتھی پارلیمنٹ کی نئی اور بہتر عمارت کی ضرورت کے بارے میں اکثر بات کرتے تھے۔



نیشنل کانفرنس کے نائب صدر نے ایک ٹویٹ میں کہا کہ " اس کے افتتاح کے بارے میں ہونے والے ہنگامے کو چند لمحوں کے لئے ایک طرف رکھ دیتے ہیں۔ یہ (پارلیمنٹ کی نئی عمارت) خوش آئند ہے۔ پرانے پارلیمنٹ ہاؤس کا ایک شاندار کردار رہا ہے، لیکن ایک ایسے شخص کے طور پر جس نے وہاں کچھ سال کام کیا، ہم میں سے اکثر لوگ ایک نئے اور بہتر پارلیمنٹ ہاؤس کی ضرورت کے بارے میں آپس میں باتیں کرتے تھے۔ انہوں نے کہا کہ 'دیر آئے درست آئے'، اور یہ (نیا پارلیمنٹ ہاؤس) شاندار نظر آرہا ہے۔

یہ بھی پڑھئے: اندر سے کتنی خوبصورت ہے پارلیمنٹ کی نئی عمارت؟ وزیراعظم مودی نے شیئر کیا ویڈیو، دیکھئے پہلی جھلک

یہ بھی پڑھئے: متھرا شری کرشنا جنم بھومی شاہی عیدگاہ مسجد کیس، زیر التواء کیس کو الہ آباد ہائی کورٹ ٹرانسفر کرنے کا حکم

کانگریس، بائیں بازو، ترنمول کانگریس، سماج وادی پارٹی اور عام آدمی پارٹی سمیت 19 اپوزیشن پارٹیوں نے بدھ کو اعلان کیا کہ وہ وزیر اعظم نریندر مودی کے ذریعہ پارلیمنٹ کی نئی عمارت کے افتتاح کا بائیکاٹ کریں گی۔ اپوزیشن جماعتوں کے مشترکہ خط پر دستخط کرنے والوں میں نیشنل کانفرنس بھی شامل ہے۔