جموں وکشمیر
- ہوم »
- نیوز »
- جموں وکشمیر
Kashmir Tiranga Bike Rally: سری نگر کے تاریخی لال چوک کے گھنٹہ گھر پر لہرایا ترنگا
سری نگر کے تاریخی لال چوک کے گھنٹہ گھر پر لہرایا ترنگا ۔ تصویر : بی جے پی کپوارہ ٹویٹر اکاونٹ
Kashmir Tiranga Bike Rally: کشمیر کا تاریخی لال چوک پیر کو لال چوک نہیں بلکہ ترنگا چوک نظر آرہا تھا ۔ چاروں طرف دکانوں پر قومی پرچم لہرا رہا تھا، چوک کے بیچوں بیچ گھنٹہ گھر پر بھی ترنگا تھا اور نیچے سڑک پر جمع بھیڑ بھی ترنگا ہاتھوں میں لیے کھڑی تھی۔
- News18 Urdu
- Last Updated :
- Srinagar | Jammu and Kashmir | Jammu
سری نگر : کشمیر کا تاریخی لال چوک پیر کو لال چوک نہیں بلکہ ترنگا چوک نظر آرہا تھا ۔ چاروں طرف دکانوں پر قومی پرچم لہرا رہا تھا، چوک کے بیچوں بیچ گھنٹہ گھر پر بھی ترنگا تھا اور نیچے سڑک پر جمع بھیڑ بھی ترنگا ہاتھوں میں لیے کھڑی تھی۔ ترنگا تھامے چہروں پر کوئی مجبوری یا خوف نہیں تھا بلکہ قوم پرستی کا جذبہ تھا جو کشمیر میں امن، جمہوریت اور خوشحالی کی بحالی کا اعلان کر رہا تھا۔ نہ صرف کشمیر کے مختلف حصوں سے بلکہ جموں اور ملک کی دیگر ریاستوں سے تقریباً 400 بائیکرس ترنگا لے کر چوک پر جمع ہوئے تھے۔
یہ بھی پڑھئے : کانگریس کے 4 اراکین پارلیمنٹ کو لوک سبھا سے معطل کر دیا گیا
BJP National General Secretary Sh. @tarunchughbjp, J&K BJP President Sh. @ImRavinderRaina, BJYM National President Sh. @Tejasvi_Surya, J&K BJP Gen Secy Sh. @Sunil_SharmaBJP, Sh. @rohit_chahal, Sh. @IArunPrabhat addressed a Kargil Vijay Diwas Tiranga Rally at Lal Chowk, Srinagar. pic.twitter.com/F6Dj3CCSae
— BJP Kupwara official (@BJP4Kupwara) July 25, 2022
یہ بھی پڑھئے: تربیتی طیارہ کھیت میں گر کر تباہ، 22 سالہ خاتون پائلٹ زخمی
ریلی کو بھارتیہ جنتا پارٹی کے قومی جنرل سکریٹری ترون چُگ نے جھنڈی دکھا کر کرگل کیلئے روانہ کیا، جو جموں و کشمیر بی جے پی کے انچارج بھی ہیں ۔ ان کے ساتھ بی بی جے پی لیڈر اور ممبر پارلیمنٹ تیجسوی سوریہ بھی موجود تھے ۔
کشمیر میں یہ اپنی نوعیت کی پہلی ریلی تھی، جس میں ملک کے مختلف حصوں سے آئے بائیکرس نے لال چوک پر ترنگا لہرایا۔ لال چوک پر بھارت ماتا کی جئے اور آزاد ہندوستان زندہ باد کے نعروں کی گونج صرف سری نگر تک ہی محدود نہیں رہی، بلکہ بہت سے لوگ اپنے اپنے موبائل فونز پر اس ریلی کو لے کر فیس بک سمیت انٹرنیٹ کے مختلف ذرائع سے اپنے اہل خانہ تک براہ راست نشر بھی کر رہے تھے۔
سب سے پہلے پڑھیں نیوز18اردوپر اردو خبریں، اردو میں بریکینگ نیوز ۔ آج کی تازہ خبر، لائیو نیوز اپ ڈیٹ، پڑھیں سب سے بھروسہ مند اردو نیوز،نیوز18 اردو ڈاٹ کام پر ، جانیئے اپنی ریاست ملک وبیرون ملک اور بالخصوص مشرقی وسطیٰ ،انٹرٹینمنٹ، اسپورٹس، بزنس، ہیلتھ، تعلیم وروزگار سے متعلق تمام تفصیلات۔ نیوز18 اردو کو ٹویٹر ، فیس بک ، انسٹاگرام ،یو ٹیوب ، ڈیلی ہنٹ ، شیئر چاٹ اور کوایپ پر فالو کریں ۔
