உங்கள் மாவட்டத்தைத் தேர்வுசெய்க

    کشمیر میں تبدیلی کی ہوا، پہلی مرتبہ پلوامہ اور شوپیاں میں کھلے سنیما ہال، ایل جی منوج سنہا نے کیا افتتاح

    کشمیر میں تبدیلی کی ہوا، پہلی مرتبہ پلوامہ اور شوپیاں میں کھلے سنیما ہال، ایل جی نے کیا افتتاح

    کشمیر میں تبدیلی کی ہوا، پہلی مرتبہ پلوامہ اور شوپیاں میں کھلے سنیما ہال، ایل جی نے کیا افتتاح

    Jammu and Kashmir : اکثر دہشت کے سائے میں رہنے والے جنوبی کشمیر کے پلوامہ اور شوپیاں میں اب لوگ سنیما ہال میں جاکر فلموں کا لطف اٹھائیں گے ۔

    • News18 Urdu
    • Last Updated :
    • Jammu and Kashmir | Jammu | Srinagar
    • Share this:
      سرینگر : آزادی کے بعد پہلی مرتبہ جموں و کشمیر میں وہ ہوا، جس کا ابھی تک تصور بھی نہیں کیا گیا تھا ۔ اکثر دہشت کے سائے میں رہنے والے جنوبی کشمیر کے پلوامہ اور شوپیاں میں اب لوگ سنیما ہال میں جاکر فلموں کا لطف اٹھائیں گے ۔ جموں و کشمیر کے ایل جی منوج سنہا نے اتوار کو جنوبی کشمیر کے دو اضلاع پلوامہ اور شوپیاں میں ایک ایک ملٹی پرپز سنیما ہال کا افتتاح کیا ۔ ان سنیما ہال میں فلموں کے علاوہ تفریح کے اور بھی وسائل ہوں گے ۔ اس کے ساتھ ہی یہاں نوجوانوں کی اسکل ڈیولپمنٹ کا کام بھی کیا جائے گا ۔

       

      یہ بھی پڑھئے: دہشت گردوں کی شامت! 248 کروڑ روپئے کے جدید ترین ہتھیاروں سے لیس ہوگی جموں وکشمیر پولیس


      اس موقع پر ایل جی منوج سنہا نے کہا کہ مرکز کے زیر انتظام خطہ کے ہر ضلع میں اس طرح کے سنیما ہال کھولے جائیں گے ۔ ایل جی منوج سنہا نے کہا کہ آج کا دن جموں و کشمیر کیلئے تاریخی ہے ۔ پلوامہ اور شوپیاں میں کھولے گئے سنیما ہال کے علاوہ کئی اور سہولیات بھی دیں گے ۔

       

      یہ بھی پڑھئے: جموں و کشمیر میں کریک ڈاؤن، پبلک سیفٹی ایکٹ کے تحت مزید سات مذہبی رہنما زیر حراست


      ان سنیما ہال کو عوام کو وقف کرتے ہوئے ایل جی نے کہا کہ سنیما لوگوں کی ثقافت، اقدار اور امنگوں کی عکاسی کرنے کا ایک طاقتور ذریعہ ہے۔ اس کی وجہ سے ایک دوسرے کی ثقافت کے بارے میں لوگوں کی سمجھ میں مزید وسعت آتی ہے۔ ایل جی نے کہا کہ جموں و کشمیر کا عالمی سنیما سے گہرا ناطہ رہا ہے ۔ نئی فلم پالیسی اور سہولیات اس مرکز کے زیر انتظام علاقہ کو ایک مرتبہ پھر شوٹنگ ڈسٹنیشن بنائیں گی اور ایک مرتبہ پھر فلم بننے کا سنہرا وقت واپس لوٹے گا ۔

      انہوں نے کہا کہ ہمارے ملک میں سماجی تبدیلی میں سنیما نے بڑا کردار ادا کیا ہے۔ ہمیں رول ماڈل دیا، معاشرے اور ملک کے لئے کام کرنے کی ترغیب دی۔ انہوں نے کہا کہ حکومت کوشش کر رہی ہے کہ جموں و کشمیر کے باصلاحیت نوجوانوں کو صحیح پلیٹ فارم، جدید سہولیات اور تعلیم ملے۔
      Published by:Imtiyaz Saqibe
      First published: