جموں و کشمیر: ڈی جی پی نے ڈی پی ایل جموں میں کنٹینرائزڈ شوٹنگ رینج کا افتتاح کیا، جانئے اس کی کچھ خاص باتیں

جموں و کشمیر: ڈائریکٹر جنرل آف پولیس جموں و کشمیر دلباغ سنگھ نے ڈسٹرکٹ پولیس لائنز جموں میں کنٹینرائزڈ شوٹنگ رینج کا افتتاح کیا۔ اس موقع پر افسران نے ڈی جی پی کو کنٹینرائزڈ شوٹنگ رینج اور اس کے مانیٹر کنٹرول سسٹم کی خصوصیات سے آگاہ کیا۔ افسران کے ساتھ بات چیت کرتے ہوئے ڈی جی پی نے کہا کہ اس سہولت سے جموں شہر میں تعینات اہلکاروں کو شوٹنگ کی سہولت فراہم کرنے میں مدد ملے گی۔  انہوں نے کہا کہ اس طرح کی جدید سہولت وقت کی ضرورت ہے۔  انہوں نے افسران کو ہدایت کی کہ وہ مختلف یونٹس کے اہلکاروں کی شوٹنگ پریکٹس کے انعقاد کے لیے ایک منصوبہ تیار کریں تاکہ پولیس فورس کی لگاتار مشقوں کا اہتمام کیا جا سکے۔

اس موقع پر ڈی جی پی اور دیگر سینئر افسران نے کچھ پریکٹس راؤنڈ فائرنگ بھی کی۔ انہوں نے سہولت کے مانیٹرنگ روم سے ڈیمو سیشن کی بھی نگرانی کی اور کہا کہ یہ شوٹنگ رینج جموں و کشمیر پولیس فورس کیلئے کافی فائدہ مند اور سود مند ثابت ہوگا۔  اس موقع پر ڈی جی پی کو جموں و کشمیر پولیس کے اسلحہ خانے میں شامل کیے گئے تین نئے ہتھیاروں کے بارے میں بھی بریفنگ دی گئی، جن میں کارنر شاٹ-95 ایکس ٹینیور اور ایم پی -5 شامل ہیں۔

کنٹینرائزڈ شوٹنگ رینج ( سی ٹی ایس آر) حفاظت اور آلودگی کے تمام بین الاقوامی معیارات پر پورا اترتی ہے، جس میں 300 میٹر تک فائرنگ کی حد کو کم کرنے اور بڑھانے کی سافٹ ویئر کی صلاحیت ہے۔ ایئر کنڈیشنڈ شوٹنگ رینج جس کو بہ آسانی استعمال کیا جا سکتا ہے، اسے آسانی سے کسی دوسری جگہ بھی پہنچایا جا سکتا ہے۔  شوٹر کھڑے ہونے، گھٹنے ٹیکنے اور لیٹنے کی پوزیشن میں فائر کر سکتا ہے اور اس میں الیکٹرانک ملٹی فنکشن ٹارگٹس اور ورچوئل ٹارگٹ سسٹم ہیں۔ سی ٹی ایس آر کے پاس ہر ایک کنٹینر کے باہر ایک کنٹرول سٹیشن ہے اور فائرنگ کی نگرانی کے لئے شوٹر کے قریب ایک مانیٹرنگ ٹیب ہے اور کنٹرول سٹیشن شوٹر کی فائرنگ کے نتیجے کو پرنٹ کرنے کے قابل ہے۔

آئی ایس او سرٹیفائیڈ سسٹم ہدف پر شاٹ لوکیشن کو ظاہر کرنے اور ریکارڈ کرنے کی صلاحیت رکھتا ہے، ممکنہ اسکور، مجموعی اسکور، اثر کے وسط کے نقطہ، پیش رفت میں ورزش کی قسم، گروپ سائز اور ایم پی آئی وغیرہ کو ظاہر کرنے کی صلاحیت رکھتا ہے۔

یہ بھی پڑھئے: جموں و کشمیر میں ڈوڈہ کے بعد اب رامبن کے گھروں میں دراریں، لوگوں میں خوف و ہراس

یہ بھی پڑھئے: سی ڈی ایس انل چوہان نے جموں و کشمیر کی صورتحال کا لیا جائزہ، دی یہ بڑی ہدایت

اس موقع پر ڈ جی سی آئی ڈی جموں و کشمیر آر آر سوین، اے ڈی جی ایس پی جے اینڈ کے، ایس جے ایم۔  گیلانی، ڈاکٹر ایس ڈی سنگھ جموال، مکیش سنگھ، ایم کے سنہا، سنیل کمار، دانش رانا، ڈائریکٹر، فائر اینڈ ایمرجنسی سروسز، جموں و کشمیر آلوک کمار، آئی جی ایس پی ایم این تیواری، وکرم جیت سنگھ، بی ایس توتی، ڈی آئی جی ایڈمن، پی ایچ کیو سارہ رضوی، ڈی آئی جی ،سی آر پی ایف جموں ادے بھاسکر بلہ، ڈی آئی جی جے ایس کے رینج  شکتی کمار پاٹھک، اے آئی ایس جی پی ایچ کیو، ایس ایس پی جموں، پولیس کنسٹرکشن ڈویژن کے افسران اور جموں ضلع کے دیگر سینئر افسران موجود تھے۔