J&K News: چاڈورہ بڈگام میں خاتون آرٹسٹ کو ملی ٹینٹوں نے گولی مار کر ہلاک کیا، 10 سالہ بھتیجا بھی زخمی

سری نگر : کشمیر کے چاڈورہ علاقہ میں ملی ٹینٹوں نے آج دیر شام ایک خاتون کو گولی مار کر ہلاک کردیا اور اس کے ساتھ اس کا دس سالہ بھتیجہ بھی زخمی ہوگیا۔ تفصیلات کے مطابق ضلع بڈگام کے چاڈورہ ہشرو علاقہ میں امبرین نامی ایک آرٹسٹ پر ملی ٹینٹوں نے گولیاں چلائیں اور اس کے ساتھ اس کے کمسن بھتیجے کو بھی زخمی کردیا۔ زخمیوں کو اسپتال منتقل کر دیا گیا، لیکن اسپتال پہنچنے تک امبرین کی موت ہوچکی تھی۔ ایس ایم ایچ ایس اسپتال سرینگر کے میڈیکل سُپرنٹنڈنٹ ڈاکٹر کنول جیت سنگھ نے کہا کہ زخمی خاتون اسپتال پہنچنے تک فوت ہوچکی تھی۔ ذرائع کے مطابق زخمی بچے کی حالت مستحکم ہے۔ زخمی بچے کی پہچان فرحان کے طور پر کی گئی ہے اور اطلاعات کے مطابق اس کے بازو میں گولی لگی ہے۔

 

یہ بھی پڑھئے: اب پی ڈی پی صدر محبوبہ مفتی نے کی پاکستانی عدلیہ کی تعریف، کہی یہ بڑی بات

جموں و کشمیر پولیس نے کہا ہے کہ اس حملہ میں لشکر کے تین ملی ٹینٹ ملوث  ہیں، جن کی تکاش جاری ہے۔ سابق وزیر اعلٰی  عمر عبداللہ نے اس حملہ کو وحشیانہ حرکت سے تعبیر کیا ہے۔ واضح رہے کہ کشمیر میں ٹارگٹ کلینگس کا سلسلہ کئی مہینے سے جاری ہے اور کل ہی سرینگر کے صورہ آنچار علاقے میں ایک پولیس اہلکار کو گولی مار کر شہید کردیا گیا تھا اور اس حملہ میں اُس کی کمسن بچی زخمی ہوگئی تھی۔

 

یہ بھی پڑھئے: گلمرگ میں پہنچ رہے ہیں ریکارڈ سیاح، ہوٹل مالکان اور کاروباری نظر آرہے ہیں خوش

پچھلے کچھ عرصہ سے حالانکہ سیکورٹی فوسیز بھی تیزی سے ملی ٹینٹوں کے خلاف کامیاب کارروائی کرتی رہی ہیں لیکن ملی ٹینٹوں کی طرف سے ٹارگٹ کلینگ جاری ہے۔

انٹلی جنس اداروں کو خبر ملی ہے کہ بڑے ہتھیاروں کی بجائے اب کشمیر میں پستول بڑی تعداد میں لائے گئے ہیں، جس کا ثبوت تب ملا جب پولیس نے بارہمولہ اور سرینگر میں دو الگ الگ چھاپوں کے دوران پنتیس کے قریب پستول او جی ڈبلیوز سے بر آمد  کئے ۔