وادی کشمیر میں منشیات کی لت کے بڑھتے رجحان نے سبھی کو تشویش میں کیا مبتلا، علما بھی فکرمند

جموں و کشمیر: وادی کشمیر میں منشیات کی جانب دن بہ دن بڑھتا رجحان نظر آرہا ہے اور انسانی زندگی پر منشیات کے خوفناک اثرات مرتب ہورہے ہیں۔ آئے روز سوشل میڈیا پر منشیات میں ملوث نوجوانوں کے کچھ تشویشناک ویڈیوز گشت کررہے، جن سے حالات بدتر ہونے کی گھنٹی بجتی ہے۔ مذہبی علما کہتے ہیں کہ اس کی روک تھام کے لئے عوامی و سماجی اور حکومتی سطح پر مستقل ٹھوس لائحہ عمل اختیار کرنا ہوگا۔ تب کہیں جاکر اس ناسور زدہ لعنت سے معاشرے کو پاک و صاف کیا جاسکتا ہے۔ ڈرگس ایک ایسا موذی مرض ہے، جس نے لاتعداد خاندانوں کی زندگیاں تباہ و برباد کردی ہیں۔ معاشرے میں نشے کی لت میں مبتلا ہونے والوں کی تعداد میں کمی کی بجائے اضافہ ہورہا، جس سے کئی گھروں کے چراغ گل ہورہے ہیں۔

منشیات سے نوجوان نسل کی تباہی سب سے بڑا لمحہ فکریہ ہے نوجوان جو کسی بھی قوم کی ریڈھ کی ہڈی تصور کئے جاتے ہیں۔ اگر معاشرے کو اس ناسور وباء سے پاک کرنا ہے، تو پھر دینی جماعتوں، تنظیموں، اداروں، علمائے کرام، دانشوروں اور سیاسی قائدین کو خلوص اور غیر جانبداری کے ساتھ نوجوان نسل کو منشیات کی لعنت سے بچانے کے لئے بھرپور کردار ادا کریں۔

 

یہ بھی پڑھئے: امت شاہ کے جموں وکشمیر دورے کے کیا رہے مثبت نتائج، جانئے دفاعی اور سیاسی ماہرین کی رائے

 

یہ بھی پڑھئے: جموں کو دہلانے کی کوشش ناکام، کٹھوعہ سے سٹکی بم کی بڑی کھیپ برآمد، ایک دہشت گرد گرفتار

علماء کہتے ہیں کہ انسان کی زندگی، اَعضاء اور صحت اس کے لئے ایک امانت ہے۔ والدین اور اساتذہ کی بھی یہ ذمہ داری ہے کہ وہ بچوں پر نظر رکھیں اور ان کے حرکات و سکنات کو نوٹس کرتے رہیں۔ گھر کے باہر وہ کن لوگوں میں اٹھتے بیٹھتے ہیں اور ان کے مشاغل کیا ہیں اس پر باریک نظر رکھیں۔

سرکار اور پولیس اس لت کے خلاف اقدامات اٹھاتے ہیں اورمنشیات فروش گروہوں کو گرفتار کیا جاتا ہے۔ تاہم ضرورت اس امر کی ہے کہ منشیات فروشوں کو جڑ سے اکھاڑ پھینکنے کے لئے باقاعدہ منصوبہ بندی کی جائے۔