ہوم » نیوز » جموں وکشمیر

جموں و کشمیر : سیکورٹی فورسیز کو ملی بڑی کامیابی ، گرینیڈ کے ساتھ لشکر مصطفی کا دہشت گرد گرفتار

Jammu Kashmir: جموں اور اننت ناگ پولیس کی مشترکہ مہم کے دوران ہدایت اللہ کو گرفتار کرنے میں کامیابی ملی ۔ جموں و کشمیر پولیس نے بتایا کہ لشکر مصطفی ، کشمیر میں جیش محمد کی ایک شاخ ہے

  • Share this:
جموں و کشمیر : سیکورٹی فورسیز کو ملی بڑی کامیابی ، گرینیڈ کے ساتھ لشکر مصطفی کا دہشت گرد گرفتار
جموں پولیس کے ایس ایس پی شری دھر پاٹل ۔ تصویر : اے این آئی ۔

جموں و کشمیر میں سیکورٹی فورسیز کو ایک بڑی کامیابی ہاتھ لگی ہے ۔ ہفتہ کو لشکر مصطفی کے دہشت گرد ہدایت اللہ ملک کو گرفتار کرلیا گیا ۔ جموں اور اننت ناگ پولیس کی مشترکہ مہم کے دوران ہدایت اللہ کو گرفتار کرنے میں کامیابی ملی ۔ جموں و کشمیر پولیس نے بتایا کہ لشکر مصطفی ، کشمیر میں جیش محمد کی ایک شاخ ہے ۔


جموں پولیس کے ایس ایس پی شری دھر پاٹل نے کہا کہ ہم نے خود کو لشکر مصطفی کا سرغنہ بتا رہے ہدایت اللہ ملک کو گرفتار کیا ہے ۔ اس کے پاس سے ہتھیار برآمد کیا گیا ہے ۔ جب ہم اس کو گرفتار کرنے کیلئے گئے تھے ، تب اس نے ہماری پولیس ٹیم پر حملہ کرنے کی کوشش کی ۔




اس دہشت گرد کو جموں شہر کے باہری علاقہ میں پولیس نے ایک کار کو روک کر گرفتار کیا ۔ افسران نے کہا کہ مشتبہ جنوبی کشمیر کے شوپیاں ضلع کا رہنے والا ہے ۔ انہوں نے بتایا کہ ایک ذاتی گاڑی کو پولیس نے ایک خاص اطلاع پر کنجوانی بائی پاس پر روکا، جس کے بعد سیکورٹی فورسیز نے دہشت گرد کو گرفتار کیا ۔

قابل ذکر ہے کہ پاکستانی فوج نے گزشتہ دو فروری کو گولہ باری کرکے جموں و کشمیر کے پونچھ ضلع میں لائن آف کنٹرول کے پاس اگلی چوکیوں کو نشانہ بنایا تھا ، جس کا ہندوستانی فوج نے بھی کرارا جواب دیا تھا ۔ سیکورٹی ترجمان نے بتایا کہ منگل کی دوپہر کو تقریبا پونے تین بجے پاکستانی فوج نے پوچھ ضلع کے منکوٹے سیکٹر میں لائن آف کنٹرول کے پاس کسی اکساوے کے بغیر چھوٹے ہتھیاروں سے گولہ باری کی اور جنگ بندی کی خلاف ورزی کی ۔
Published by: Imtiyaz Saqibe
First published: Feb 06, 2021 07:22 PM IST