اپنا ضلع منتخب کریں۔

    جموں کشمیر:بڈگام میں انسانی اسمگلنگ گروہ کا پردہ فاش، 3گرفتار، 14 متاثرین کو کروایا گیا آزاد

    Youtube Video

    عہدیدار نے کہا کہ معاملے میں آگے کی جانچ جاری ہے اور کئی اور گرفتاریاں ہونے کی امید ہے۔ آزاد کرائی گئی متاثرین کو چاڈورا کے بازآبادکاری سینٹر میں رکھا گیا ہے۔

    • News18 Urdu
    • Last Updated :
    • Badgam (Budgam), India
    • Share this:
      وسطی کشمیر کے بڈگام ضلع میں سرگرم انسانی اسمگلنگ کرنے والے گروہ کو بے نقاب کرتے ہوئے پولیس نے ایک جوڑے سمیت تین لوگوں کو گرفتار کیا ہے۔ ان کے چنگل سے 14 متاثرین کو آزاد کرایاگیا ہے۔ اس میں کئی نابالغ بھی ہیں۔

      پولیس کو دولی پورہ گاوں میں ہیومن ٹریفکنگ گروہ کے کام کرنے کی اطلاع ملی تھی۔ اس کی بنیاد پر بڈگام پولیس نے شمیم احمد بھٹ کے دولی پورہ پارتھن واقع گھر اور آس پاس کے علاقے میں مہم چلائی اور 14 متاثرین کو آزاد کرایا ، جس میں کئی نابالغ بھی شامل ہیں۔

      پولیس نے اس معاملے میں شمیم احمد، شگفتہ اور عصمت کو گرفتار کیا ہے۔ ایک پولیس عہدیدار کے مطابق، اس معاملے میں پولیس اسٹیشن بڈگام میں ایک کیس درج کیا گیا ہے۔

      ابتدائی جانچ میں پتہ چلا ہے کہ گرفتار کیے گئے تینوں ملزم بڈگام کے ساتھ ساتھ وادی کے الگ الگ مقامات سے لڑکیوں کو خرید کر لاتے تھے۔ ان سے غلط کام بھی کرایا جاتا تھا۔

      یہ بھی پڑھیں:
      ترقی کے کاموں میں جموں و کشمیر آخر کیوں پچھڑ رہا؟ وزیر دفاع راجناتھ سنگھ نے کہی یہ بات

      یہ بھی پڑھیں:
      جموں کشمیر:باندی پورہ میں فوجی گاڑی کو اڑانے کی سازش ناکام، دہشت گردوں کی تلاش میں چلی مہم

      عہدیدار نے کہا کہ معاملے میں آگے کی جانچ جاری ہے اور کئی اور گرفتاریاں ہونے کی امید ہے۔ آزاد کرائی گئی متاثرین کو چاڈورا کے بازآبادکاری سینٹر میں رکھا گیا ہے۔
      Published by:Shaik Khaleel Farhaad
      First published: