سری نگر کے نوگام علاقے میں قومی شاہراہ پر آئی ای ڈی بر آمد

گرمائی دارلحکومت سری نگر کے نوگام علاقے میں قومی شاہراہ پر پیر کی صبح سیکورٹی فورسز کی ایک روڈ اوپنگ پارٹی نے ایک آئی ای ڈی پائی جس کو بعد میں بم ناکارہ بنانے والی ایک ٹیم نے ناکارہ بنادیا۔پولیس ذرائع نے بتایا کہ نوگام میں نوگام- پانتھہ چوک روڈ پر ایک پل کے نزدیک ایک آئی ای ڈی کو نصب کیا گیا تھا جس کو سیکورٹی فورسز کی ایک روڈ اوپنگ پارٹی نے پیر کی صبح دیکھ لیا۔انہوں نے بتایا کہ جس جگہ پر آئی ای ڈٰ کو نصب کیا گیا تھا وہ نوگام ریلوے اسٹیشن سے محض ایک کلو میٹر دور ہے۔مذکورہ ذرائع نے بتایا کہ آئی ای ڈی جو ایک ٹن ڈبے میں رکھی گئی تھی، کو دیکھنے کے بعد روڈ اوپنگ پارٹی نے نوگام- پانتھہ چوک روڈ پر لوگوں کی حفاظت کے لئے احتیاطی طور ٹریفک کی نقل و حمل بند کر دی۔

IED Found near railway crossing near kenihama Nowgam. Details to follow.

— News18 Kashmir (@News18Kashmir) February 22, 2021

انہوں نے بتایا کہ آئی ای ڈی کو ناکارہ بنانے کے لئے بم ڈسپوزل اسکارڈ کو جائے موقع پر طلب کیا گیا جنہوں نے کامیابی کے ساتھ اس کو ناکارہ بنایا اور اس کے بعد سڑک پر ٹریفک کی نقل و حمل بحال کر دی گئی۔ان کا کہنا تھا کہ بظاہر آئی ای ڈی کو سیکورٹی فورسز کو نشانہ بنانے کے لئے نصب کیا گیا تھا۔پولیس ذرائع نے بتایا کہ اس واقعے سے ریل سروس کی بحالی پر کوئی اثر نہیں پڑا۔بتادیں کہ وادی میں پیر کے روز قریب ایک برس بعد ریل خدمات جزوی طور پر بحال کر دی گئیں۔