جموں کشمیر: ہر پنچایت کے لئے سالانہ ایک کروڑ روپیہ کیا جائے گا مخصوص: ایل جی منہوج سنہا کا بڑا بیان

جموں: جموں کشمیر میں پنچایتی راج کو مضبوط کرنے کے غرض سے مرکزی سرکار وعدہ بند ہے۔ جموں کشمیر کے دیہی اور شہری علاقوں کو ترقی کی راہ پرگامزن کرنے لئے یہاں پنچاتی الیکشن کرائے گئے ان باتوں کا اظہار لیفٹنٹ گورنر منہوج سنہا نےجموں میں ایک پریس کانفرنس کے دوران کیا ہے۔ منوج سنہا نے کہا کہ جموں کشمیر میں پہلی بار ڈی ڈی سی الیکشن منقعد کئے گئے ہیں۔ تاکہ یہ ممبران اپنے اپنے علاقوں میں تعمیر اور ترقی کا نیا دور شروع کریں۔

بی ڈی سی، پنچوں، سرپنچوں اور کونسلروں کو بھی با اختیار بنایا گیا ہے۔ تاکہ ملک کی باقی ریاستوں کے طرح یہاں بھی پنچایتی راج نافذ ہو۔ ان کا کہنا تھا کہ کہ ہر پنچایت کو سالانہ ایک کروڈ روپئے دیا جائے گا تاکہ ان دہی علاقوں میں تعمیر وترقی کا نیا دور شروع کیا جائے۔ انہوں نے وزیر اعظم نریندر مودی کا شکریہ ادا کرتے ہوئے کہا کہ ملک کے وزیر اعظم جموں کشمیر کے تعمیر ترقی کے لئے کافی فکر مند ہیں۔

انہوں نے کہا ہر ڈی ڈی سی کونسل کو سالانہ 10 کروڑ، بی ڈی سی کو 25 لاکھ روپیہ دیا جائے گا اور ہر پنچایت کو ایک کروڑ روپیہ دیا جائے گا ان پیسوں سے دور دیہات کے علاقوں میں بنیادی سہولیات جیسے بجلی، پانی، طبعی اور تعلیم کو موثر رکھا جائے گا۔ ان کا کہنا تھا کہ اب منتخب نمائندوں کو بھی اس پیسے کا صحیح استمال کرنا ہے تاکہ زمینی سطع پرعوام کو فائدہ پہنچ سکے۔

لیفٹیننٹ گورنر کی اس یقین دہانی کا ہر طرف خیر مقدم کیا جارہا ہے۔ آل جموں کشمیر پنچایت کانفرنس کے صدر انیل شرما نے ایل جی کے اس یقین دہانی کا خیرمقدم کیا ہے۔ انہوں نے کہا اب سرکار پنچایتی راج کو مبضوط کرنے لئے اقدام کر رہی ہے، یہ ایک خوش آئند قدم ہے۔ انہوں نے سرکار سے یہ پیسہ جلد از جلد فراہم کرنے کا مطالبہ کیا ہے۔ آل جموں کشمیر کے پنچایت کانفرنس کے چیئرمین محمد شفیع میر نے بھی اس اقدام کا خیر مقدم کرتے ہوئے کہا ہے کہ اس سے پہلے بھی سرکار نے ان لوگوں کے ساتھ وعدے کئے تھے، لیکن وہ وفا نہیں ہوئے۔ اب انہیں امید ہےکہ اب کی باران کے وعدے پورے کئے جائیں گے۔