உங்கள் மாவட்டத்தைத் தேர்வுசெய்க

    J&K News: جموں و کشمیر نیشنل پینتھرس پارٹی کے بانی بھیم سنگھ کا 80 سال کی عمر میں انتقال، کچھ وقت سے تھے بیمار

    J&K News: جموں و کشمیر نیشنل پینتھرس پارٹی کے بانی بھیم سنگھ کا 80 سال کی عمر میں انتقال، کچھ وقت سے تھے بیمار

    J&K News: جموں و کشمیر نیشنل پینتھرس پارٹی کے بانی بھیم سنگھ کا 80 سال کی عمر میں انتقال، کچھ وقت سے تھے بیمار

    Jammu and Kashmir: جموں و کشمیر نیشنل پینتھرس پارٹی کے بانی اور سینئر لیڈر پروفیسر بھیم سنگھ کا منگل کی صبح 80 سال کی عمر میں انتقال ہوگیا ۔ انہوں نے جموں کے بخشی نگر اسپتال میں آخری سانس لی ۔

    • Share this:
      سری نگر : جموں و کشمیر نیشنل پینتھرس پارٹی کے بانی اور سینئر لیڈر پروفیسر بھیم سنگھ کا منگل کی صبح 80 سال کی عمر میں انتقال ہوگیا ۔ انہوں نے جموں کے بخشی نگر اسپتال میں آخری سانس لی ۔ بھیم سنگھ کچھ دنوں سے بیمار چل رہے تھے ۔ بھیم سنگھ کی پیدائش 17 اگست کو 1941 کو جموں و کشمیر کے بھگٹیرین ، رام نگر میں ہوئی تھی ۔ بھیم سنگھ کے والد ٹھاکر بیربل سنگھ تھے، جنہوں نے ایک فوجی کے طور پر دوسری عالمی جنگ میں حصہ لیا تھا ۔ آزادی کے بعد وہ ہندوستانی فوج کے ساتھ وابستہ ہوئے ۔

       

      یہ بھی پڑھئے : پلوامہ تصادم میں دو دہشت گرد ہلاک، پولیس نےمقامی دہشت گردوں سے متعلق کیا یہ بڑا دعویٰ


      نیشنل پینتھرس پارٹی جموں و کشمیر کی ایک سیاسی پارٹی ہے ، جس کا قیام 23 مارچ 1982 کو پروفیسر بھیم سنگھ اور اس وقت کی کچھ نوجوان سیاسی شخصیات نے کیا تھا ۔ وہ 30 سال تک جے کے این پی پی کے صدر رہے ۔ سال 2012 میں انہوں نے اپنے بھیتجے ہرش دیو سنگھ کو پارٹی کی کمان سونپ دی ۔


      بھیم سنگھ نے پچھلے سال ایک مرتبہ پھر سے سرگرم سیاست میں واپسی کی تھی ، جب انہیں نیشنل پینتھرس پارٹی کا دوبارہ صدر منتخب کیا گیا تھا ۔ جموں و کشمیر کے اس وقت کے وزیر اعلی شیخ عبد اللہ کے خلاف بولنے کیلئے انہیں 1978 میں سری نگر سینٹرل جیل میں بند رہنا پڑا ، جہاں انہیں جان سے مارنے کیلئے مبینہ طور پر زہر دیدیا گیا تھا ۔

       

      یہ بھی پڑھئے : محبوبہ مفتی نے کہا- کشمیر وادی میں گپکار اتحاد سے خوفزدہ ہوئی بی جے پی حکومت


      بھیم سنگھ سیاستداں ہونے کے علاوہ سماجی کارکن، وکیل اور رائٹر بھی تھے ۔ بھیم سنگھ 1977-87  تک چینانی گھورڈی ( اودھم پور) سیٹ سے جموں و کشمیر اسمبلی کے رکن منتخب ہوئے ۔ انہیں 1991-2016 تک لگاتار ہندوستان کے وزیر اعظم کے ذریعہ قومی اتحاد کونسل کے رکن کے طور پر نامزد کیا گیا ۔

      سال 2002 میں ہوئے جموں و کشمیر اسمبلی انتخابات میں ان کی قیادت میں پینتھرس پارٹی نے اودھم پور ضلع کی سبھی سیٹوں پر جیت حاصل کی تھی اور اتحادی سرکار کا حصہ بنی تھی ۔
      Published by:Imtiyaz Saqibe
      First published: