جموں وکشمیر: سی آر پی ایف اور پولیس ٹیم پر دہشت گردانہ حملہ، ایک جوان اور شہری زخمی

سری نگر: جموں وکشمیر کے سری نگر میں پولیس اور سی آر پی ایف کی ایک مشترکہ ٹیم پر دہشت گردوں نے حملہ کردیا۔ اس حادثہ میں ایک پولیس کے جوان اور ایک شہری زخمی ہوگئے۔ زخمیوں کو علاج کے لئے قریبی اسپتال میں داخل کرایا گیا ہے جبکہ دہشت گردوں کو پکڑنے کے لئے علاقے کو پوری طرح سے گھیر لیا گیا ہے۔ دہشت گردوں کو پکڑنے کے لئے اب علاقے میں سرچ آپریشن شروع کردیا گیا ہے۔

اطلاعات کے مطابق، سری نگر کے شاذگریا پورہ کے پاس اتوار دوپہر پولیس اور سی آر پی ایف کی مشترکہ ٹیم گشت کر رہی تھی۔ اسی دوران وہاں پہلے سے موجود دہشت گردوں نے پرانے سری نگر شہر کے شاذگریا پورہ میں واقع ایک ناکے پر ٹیم پر فائرنگ شروع کردی۔ دہشت گردوں کی طرف سے چلی گولی باری میں پولیس کا جوان فرخ احمد اور ایک عام شہری زخمی ہوگئے۔

 

Jammu and Kashmir: Terrorists attacked a joint party of Police and CRPF at Sazgaripora, Hawal in Srinagar today. One Police personnel and a civilian injured. Area cordoned off to nab the terrorists. More details awaited.

(Visuals deferred by unspecified time) pic.twitter.com/fBmORdB3wE

— ANI (@ANI) December 6, 2020

زخمیوں کو قریب کے اسپتال میں داخل کرا دیا گیا ہے۔ سیکورٹی اہلکاروں نے پورے علاقے کو گھیر لیا ہے اور دہشت گردوں کی تلاش کرنے کے لئے علاقے میں سرچ آپریشن شروع کردیا گیا ہے۔ بتایا جاتا ہے کہ دہشت گرد ابھی بھی علاقے میں پوشیدہ ہیں۔ دہشت گردوں نے جس طرح سے واردات کو انجام دیا ہے، اس سے لگتا ہے کہ انہیں پہلے سے معلوم تھا کہ گشت ٹیم یہاں سے آنے والی ہے۔ دہشت گردوں کی تلاش جاری ہے۔