J&K News: ایل جی کو کشمیری پنڈتوں کے مطالبات پر غور کرنا چاہئے: عبدالرحمان ویری

جموں و کشمیر: مرکزی زیر انتظام والے کشمیر میں گزشتہ کئی روز سے جاری وزیراعظم پیکیج کشمیری پنڈت ملازمین کے احتجاج کے دوران اب سیاسی بیان بازیاں تیز ہو رہی ہیں۔ جبکہ کئی سیاسی لیڈران اب وزیراعظم پیکیج ملازمین کے ساتھ ملاقی ہو رہے ہیں۔ پی ڈی پی کے سینئر رہنما و جموں و کشمیر کے سابق وزیر عبدالرحمان ویری نے اس حوالے سے مٹن اننت ناگ میں احتجاجی ملازمین کے ساتھ ملاقات کی اور انہیں پی ڈی پی کی جانب سے ہر طرح کا ممکنہ تعاون فراہم کرنے کا یقین دلایا۔

 

یہ بھی پڑھئے: احتجاجی ملازمین پر اگر دباؤ ڈالا گیا، تو اس کے سنگین نتائج ہوں گے: Kashmiri پنڈتوں کا بیان

اس موقع پر احتجاجی کشمیری پنڈت ملازمین نے لیڈر کے سامنے اپنے مسائل رکھے اور ان سے بحثیت اپوزیشن لیڈر کشمیری پنڈتوں کی وکالت کیلئے سرکار پر دباؤ بنانے کا مطالبہ کی۔ اس موقع پر ویری نے احتجاجی ملازمین کو پی ڈی پی کی جانب سے ہر ممکنہ مدد فراہم کرنے کی یقین دہانی کرائی اور کہا کہ ایل جی کو اب احتجاجی ملازمین کے مسائل پر سنجیدگی سے غور کرنا چاہئے۔ تاکہ یہ لوگ دوبارہ معمول کی زندگی شروع کر سکیں۔

 

یہ بھی پڑھئے: بانیہال اسپتال میں پیش آئے واقعہ پر ڈائریکٹر ہیلتھ کا بڑا بیان، کہی یہ بات

رحمان ویری نے کہا کہ پی ڈی پی نے ہمیشہ سے کشمیری پنڈتوں کی بازآبادکاری اور کشمیر واپسی کے حوالے سے بات کی ہے اور ماضی میں پی ڈی پی کے دور اقتدار میں اس حوالے سے بہت سارے کام انجام دئے گئے ہیں۔ انہوں نے کہا کہ جب 2016 میں برہان وانی کی ہلاکت کے بعد کشمیر میں حالات ابتر ہو گئے ، تب اس وقت کی وزیر اعلیٰ محبوبہ مفتی نے تمام ملازمین کی تنخواہیں واگزار کرنے کے احکامات صادر کئے تھے، جبکہ اکثر ملازمین اس وقت جموں میں قیام پذیر تھے۔

ویری نے کہا کہ موجودہ صورتحال میں پھر ایک بار کشمیری پنڈتوں کے دلوں کو جیتنے کی ضرورت ہے۔ عبدالرحمان ویری کے ہمراہ پی ڈی پی ضلع صدر ایڈوکیٹ شیخ جاوید بھی تھے۔