دہشت گردوں نے پھر ایک بے قصور کشمیری پنڈت کو بنایا نشانہ، گولی مار کر کیا قتل

سری نگر: جموں و کشمیر میں ایک بار پھر دہشت گردوں نے کشمیری پنڈت برادری کے ایک شخص کو نشانہ بنایا اور شوپیان ضلع کے چودھری گنڈ علاقے میں اس پر گولی چلائی۔ اس شخص کو اسپتال میں داخل کرایا گیا، جہاں اس کی موت ہوگئی۔

جموں و کشمیر پولیس نے ایک بیان میں کہا، "دہشت گردوں نے ایک شہری (اقلیتی) پورن کرشنا بھٹ پر گولی چلا دی، جو شوپیاں کے چودھری گنڈ میں ایک باغ کی طرف جا رہا تھا۔ اسے فوری طور پر علاج کے لیے اسپتال لے جایا گیا جہاں اس کی موت ہوگئی۔ علاقے کو گھیرے میں لے لیا گیا ہے۔ حملہ آوروں کی تلاش جاری ہے۔

#Update | Terrorists fired upon a civilian (minority) Puran Krishan Bhat while he was on his way to an orchard in Chowdari Gund, Shopian. He was immediately shifted to hospital for treatment where he succumbed. Area cordoned off. Search in progress: Jammu and Kashmir Police

— ANI (@ANI) October 15, 2022

فوجLOCپر پاکستان کی طرف سے دہشت گردوں کی دراندازی کی ہرکوشش کو ناکام بنانے کیلئےہروقت تیار

ایک بڑی کارروائی میں جموں و کشمیر انتظامیہ نے آج 5 سرکاری ملازمین کو دہشت گردوں سے تعلق کے الزام میں ملازمت سے برخاست کر دیا ہے۔ جن 5 افراد کے خلاف یہ کارروائی کی گئی ان میں تنویر سلیم ڈار، آفاق احمد وانی، افتخار ادرابی، ارشاد احمد خان، عبدالمومن پیر شامل ہیں۔ یہ لوگ دہشت گردی کے سنڈیکیٹ چلانے اور کالعدم تنظیموں کو دہشت گردانہ حملوں میں مدد دینے کے مقدمات میں ملوث تھے۔

تنویر جموں و کشمیر پولیس میں بطور کانسٹیبل خدمات انجام دے رہا تھا۔ آفاق احمد وانی بارہمولہ سنٹرل کوآپریٹیو بینک میں مینیجر تھا اور افتخار ادرابی بی ڈی او آفس میں پلانٹیشن سپروائزر کے طور پر کام کر رہا تھا اور بعد میں گاؤں کی سطح کا کارکن بن گیا تھا۔ جبکہ ارشاد احمد خان محکمہ جل شکتی میں خدمات انجام دے رہا تھا اور عبدالمومن پیر پی ایچ ای سب ڈویژن میں اسسٹنٹ لائن مین کے طور پر خدمات انجام دے رہا تھا۔ دہشت گرد وادی میں کشمیری پنڈتوں، مہاجروں کو نشانہ بنا کر یہ پیغام دینا چاہتے ہیں کہ مرکز کے زیر انتظام علاقے میں سب کچھ ٹھیک نہیں ہے۔

کشمیرمیں پھر دہشت گردی کی سازش ناکام، بانڈی پورہ میں ملےIEDکو سکیورٹی فورسز نے بنایاناکارہ

وہیں اس سے پیلے جموں و کشمیر میں ایک بار پھر سیکورٹی فورسز نے دہشت گردی کے منصوبوں کو ناکام بنا دیا ہے۔ بانڈی پورہ روڈ کے قریب اہسٹنگو علاقے میں سیکورٹی فورسز کو ایک آئی ای ڈی ملا۔ بتایا جا رہا ہے کہ دہشت گردوں نے یہ آئی ای ڈی دھماکہ خیز مواد سکیورٹی فورسز کو نشانہ بنانے کے لیے پلان کیا تھا، تاکہ جب ہندوستانی فوجی اس راستے سے گزریں تو ان کا دھماکہ ہو سکے۔ تاہم سیکیورٹی فورسز کی بروقت کارروائی نے دہشت گردوں کا منصوبہ ناکام بنا دیا اور آئی ای ڈی کا پتہ چلا۔

جیسے ہی سکیورٹی فورسز کو آئی ای ڈی دھماکہ خیز مواد کی اطلاع ملی، بم ڈسپوزل اسکواڈ کو فوری طور پر طلب کیا گیا تاکہ اس آئی ای ڈی کو ناکارہ بنا کر مکمل طور پر تباہ کر دیا جائے۔ اس کے بعد بم ڈسپوزل اسکواڈ نے جموں و کشمیر کے بانڈی پورہ ضلع کے بڈیارا اور کنبتھی گاؤں کے درمیان بانڈی پورہ-سوپور سڑک کے قریب سے ملنے والے آئی ای ڈی کو ناکارہ بنا دیا۔