اسلامک یونیورسٹی اونتی پورہ میں آن لائن ورکشاپ کا انعقاد، دنیا کے نامور اداروں سے تعلق رکھنے والے ماہرین کریں گے شرکت

اسلامک یونیورسٹی سیاینس و ٹیکنالوجی اونتی پورہ کی جانب سے بین الاقوامی آن لاین ورکشاپ (workshop at Islamic University Awantipora) شروع کیا گیا ہے جو کہ ہندوستان اور مختلف بین الاقوامی یونیورسٹیوں اور کالجوں کے 100سے زائد شرکاء نے ورکشاپ کے لیے رجسٹریشن کرائی۔ جس کے دوران آرٹس اور لٹریچر کے شعبے میں تحقیق میں پیش رفت کے بارے میں پروگرام منعقد کیے جائیں گے۔ جن میں دنیا کے نامور اداروں سے تعلق رکھنے والے ماہرین شامل ہونگے۔ اپسالہ یونیورسٹی، سویڈن، علی گڑھ مسلم یونیورسٹی، جے این یو، جے ایم آئی، اے ایم یو، یونیورسٹی آف لبرل آرٹس، بنگلہ دیش، بی ایچ یو، ڈی یو، یونیورسٹی آف نائجیریا وغیرہ شامل ہیں۔ افتتاحی سیشن کے دوران وائس چانسلر پروفیسر شکیل اے رومشو، جو اس تقریب کے مہمان خصوصی تھے، نے عصری مطابقت کے ایک بامعنی تعلیمی منصوبے کے انعقاد پر محکمہ کی تعریف کی اور کہا’’یہ ورکشاپ NEP ،2020کے مقاصد پر مشتمل ہے جس میں بین الضابطہ تحقیق اور نئے نتائج کا تصور اور تحقیق کا مقصد بین الکلیاتی مفکرین پیدا کرنا ہونا چاہئے جو باہمی تعاون کے فریم ورک میں کام کرتے ہیں اور معیاری خیالات، جامع تفہیم اور کھلے ذہن کی ترکیب کرتے ہیں‘‘۔

انہوں نے مزید کہا ’’ وقت کی ضرورت ہے کہ علم کی حدود میں کام کیا جائے اور موجودہ علم پر مبنی معاشرے میں مختلف ذرائع سے نیا علم تخلیق کیا جائے‘‘۔ اپسالا یونیورسٹی، سویڈن سے صنفی تحقیق کے پروفیسر پروفیسر گیبریل گریفن جو کہ اپنے ڈسپوزیشن میں کلیدی اسپیکر تھے، نے آرکائیوز کے طریقہ کار، زبانی تاریخ اور ڈیجیٹل تحقیق پر توجہ مرکوز کی اور شرکاء کو’نظریہ اور صنف تیار کرنے‘کیلئے کچھ بنیادی تکنیکوں کے بارے میں آگاہ کیا۔انہوں نے تحقیقی طریقوں کی افادیت اور بین الاقوامی سطح پر دستیاب ڈیجیٹل لٹریچر کو سیاق و سباق کے مطابق بنانے کی ضرورت کے بارے میں بات کی۔ مضبوط اور کمزور تحقیق کے درمیان فرق کو اجاگر کرنے کے علاوہ انہوں نے تحقیقی مضامین کی قبولیت کیلئے علم کی کثافت پر بھی زور دیا۔

گریفن نے کہا کہ تحقیق کو گہرا کرنے کے لیے، محققین کو کچھ متعلقہ تلاش کرنے اور جرنل میٹرکس کا استعمال کرنے کی ضرورت ہے کیونکہ وہ دنیا میں تیزی سے استعمال ہو رہی ہیں۔اس نے تحقیقی طریقوں پر میٹا ڈسکورس تیار کرنے کی ضرورت پر غور کیا کیونکہ تحقیقی فنڈنگ ایجنسیاں اکثر تحقیقی تجاویز کا جائزہ لیتے وقت استعمال کیے گئے طریقوں کو اہمیت دیتی ہیں۔ اس نے ادبی مطالعات میں تحقیق کے کچھ نئے شعبوں کی بھی نشاندہی کی جیسے ڈیجیٹل سے پیدا ہونے والا ادب، ایکو کریٹکزم، ڈی کالونائزیشن، گرافک ناول اور آرٹیفیشل انٹیلی جنس/مشین لرننگ۔گرفن نے ان اقدامات کے لیے IUST انتظامیہ کی داد رسایی کرتے ہوئے کہا کہ اسلامک یونیورسٹی طلبا کو جدید تعلیم سے فراہم کر رہی ہے جو کہ وقت کی اہم ضروت ہے۔

قومی، بین الاقوامی اور جموں وکشمیر کی تازہ ترین خبروں کےعلاوہ تعلیم و روزگار اور بزنس کی خبروں کے لیے نیوز18 اردو کو ٹویٹر اور فیس بک پر فالو کریں ۔