پاکستان جموں و کشمیر میں ہتھیاروں کے ساتھ ساتھ منشیات کی اسمگلنگ کر رہا : ڈی جی پی

پلوامہ : جموں و کشمیر ڈی جی پی دلباغ سنگھ کا کہنا ہے کہ وادی کشمیر میں ہوئے بیشتر ٹارگٹ کلنگ کیسوں کو پولیس نے سیکورٹی فورسیز کی مدد سے حل کیا ہے ۔ ڈی جی پی نے کہا کہ برف باری سے قبل پاکستان کی جانب سے جموں و کشمیر میں ملی ٹنٹوں کی درندازی کی  کوششوں کو ناکام بنایا جارہا ہے ۔ ڈی جی پی نے پلوامہ دورے کے دوران میڈیا کے ساتھ بات کرتے ان باتوں کا اظہار کیا ۔ میڈیا نمائندوں سے خطاب کرتے ہوئے ڈی جی پی دلباغ سنگھ نے مزید کہا کہ پاکستان جموں و کشمیر میں ہتھیاروں کے ساتھ ساتھ منشیات کی اسمگلنگ کررہا ہے ۔ تاہم جموں و کشمیر میں پولیس اور سیکورٹی ایجنسیاں پاکستان کے ہر منصوبے کو ناکام کررہے ہیں ۔

ڈی جی پی نے کہا کہ خواتین کے خلاف ہورہے جرائم کو روکنے کے لیے پولیس کی جانب سے ضلع سطع پر وومنز پولیس اسٹیشنوں کا قیام عمل میں لایا جارہا ہے ۔  اس سے قبل ڈی جی پی نے پلوامہ میں وومنز پولیس اسٹیشن اور پولیس لائنز پلوامہ میں جم سنٹر کے علاوہ آڈیٹوریم کا افتتاح کیا ۔ ڈی جی پی کے ہمراہ اے ڈی جی پی وجے کمار اور اے ڈی جی پی ایس ایم گیلانی کے علاوہ ڈی سی پلوامہ بصیر الحق چودھری اور ایس ایس پی پلوامہ غلام جیلانی موجود تھے ۔

یہ بھی پڑھئے: جموں-سرینگر ہائی دیر رات ہوا بند، 600 سے زیادہ گاڑیاں پھنسی، صبح تک رہا بحران

یہ بھی پڑھئے: موجودہ برس پاکستان سے دہشت گردوں کی دراندازی میں کمی آئی ہے: ڈی جی پی دلباغ سنگھ

ڈی جی پی نے پولیس اور انتظامیہ کے افسراں کے ہمراہ ضلع پلوامہ کے ترال اور پلوامہ پولیس لائنز میں عوامی دربار سے بھی خطاب کیا اور مختلف انجمنوں کے نمائندوں سے تبادلہ خیال کیا ۔