آرین خان کی گرفتاری پربیان دینامحبوبہ مفتی کوپڑامہنگا، دہلی پولیس سے کی گئی شکایت

پی ڈی پی صدر اور سابق وزیر اعلیٰ محبوبہ مفتی کا الزام ہے کہ بی جے پی کے ووٹ بینک کے استحکام کے لئے مسلمانوں کو نشانہ بنایا جا رہا ہے۔انہوں نے کہا کہ مرکزی وزیر کے بیٹے جس پر چار کسانوں کو ہلاک کرنے کا الزام ہے، کی بجائے مرکزی ایجنسیاں 23 سالہ نوجوان کے پیچھے پڑی ہیں کیونکہ اس کے نام کے ساتھ ’خان‘ جڑا ہے۔ محبوبہ مفتی نے ان باتوں کا اظہار پیر کے روز اپنے ایک ٹویٹ میں کیا۔

Instead of making an example out of a Union Minister’s son accused of killing four farmers, central agencies are after a 23 year old simply because his surname happens to be Khan.Travesty of justice that muslims are targeted to satiate the sadistic wishes of BJPs core vote bank.

— Mehbooba Mufti (@MehboobaMufti) October 11, 2021

انہوں نے اس ٹویٹ میں مزید کہا: ’ستم ظریفی یہ ہے کہ بی جے پی کے ووٹ بینک کو مستحکم کرنے کے لئے مسلمانوں کو نشانہ بنایا جا رہا ہے‘۔ محبو بہ مفتی کے اس بیان کے بعد ان کو تنقید کا نشانہ بنایاجارہاہے۔ آرین خان ڈرگس کیس میں محبوبہ مفتی کے خلاف مبینہ اشتعال انگیز بیان پر دہلی پولیس میں شکایت درج کرائی گئی۔ ایڈوکیٹ کے ونیت جندال، اکشتا نے شکایت درج کرتے ہوئے محبوبہ مفتی پر فرقہ وارانہ کشیدگی پھیلانے کا الزام لگایاہے۔

Advocate @vineetJindal19 & @advakshita have filed Complaint with @CPDelhi against @MehboobaMufti for her statement in #AryanKhan Case, her statement is inciting enmity between religions. #AryanKhan #MehboobaMufti #FreedomOfSpeech #Kashmir #ShahRukhKhan pic.twitter.com/FvpxmWdpgc

— Vineet Jindal (@vineetJindal19) October 11, 2021

وہیں دوسری جانب پی ڈی پی صدر و سابق وزیر اعلیٰ محبوبہ مفتی کا کہنا ہے کہ خون خرابے کو روکنے کا واحد راستہ بات چیت ہے۔انہوں نے یہ بات پیر کو یہاں پی ڈی پی کے ایک اجتماع کے حاشئے پر نامہ نگاروں سے گفتگو کرتے ہوئے کہی۔محبوبہ مفتی نے حالیہ ہلاکتوں کا ذکر کرتے ہوئے کہا: 'اقلیتی طبقوں سے تعلق رکھنے والے افراد کی حالیہ ہلاکتوں کے بعد تقریباً 40 اساتذہ کو پکڑا گیا ہے اور 700 کے قریب لوگوں کو گرفتار کیا گیا ہے۔ اس پکڑ دھکڑ کے بعد بھی لوگوں کو تحفظ کا احساس نہیں مل رہا ہے'۔ان کا مزید کہنا تھا: 'ہمارے پاس دوسرا راستہ وہی ہے جو واجپائی جی نے اپنایا تھا۔ انہوں نے جموں و کشمیر کو مصیبت سے باہر نکالنے کے لئے بات چیت کا راستہ اختیار کیا تھا۔ اس سے جموں و کشمیر کے ماحول میں نمایاں تبدیلی آئی تھی اور ہلاکتوں میں کمی آ گئی تھی'۔

District convention of @jkpdp #Kishtwar under leadership of @MehboobaMufti Sahiba resolved to continue fight against injustice, oppression and suppression. Thnx everyone for making responding to the short notice. pic.twitter.com/bHwLdZf2un

— Firdous Tak (@takfirdous) October 11, 2021

محبوبہ مفتی نے کہا کہ چین کے ساتھ مذاکرات ناکام ہونے کے باوجود بھی اس کا سلسلہ جاری ہے۔انہوں نے کہا: 'ہمیں یہاں بھی بات چیت کے دروازے بند نہیں کرنے چاہیں۔ آج ہی پونچھ میں جے سی او سمیت پانچ جوان مارے گئے؟۔ان کا مزید کہنا تھا: 'یہ خون خرابہ کب تک چلے گا؟ کب تک بی جے پی خون پر سیاست کرتی رہے گی؟ واجپائی کا راستہ بالکل صحیح تھا۔ خون خرابے کو روکنے کا واحد راستہ بات چیت ہے'۔