J&K News: شیخ محمد عبداللہ کا نام سرکاری اعزازات سے ہٹانا بی جے پی کی منصوبہ بند پالیسی کا حصہ: عمران نبی ڈار

کولگام: نیشنل کانفرنس نے کہا ہے کہ پارٹی کے بانی لیڈر مرحوم شیخ محمد عبداللہ کا نام سرکاری اعزازات سے ہٹانا بی جے پی ، آر ایس ایس اور ان کی ہم خیال جماعتوں کی دقیانوسی سوچ ہے اور اس سے نہ صرف مرحوم لیڈر کی شخصیت پر کوئی فرق نہیں پڑے گا بلکہ پارٹی اس طرح کے حربوں سے واقف ہے ۔  نیشنل کانفرنس نے کہا ہے کہ مرحوم شیخ محمد عبداللہ نے ریاست کے لوگوں کی بلا مذہب و ملت، رنگ و نسل خدمت کی اور جو بھی تاریخی کام انجام دئے گیے ہیں، ان میں مرحوم کا رول ہے ۔

 

یہ بھی پڑھئے : بانیہال اسپتال میں پیش آئے واقعہ پر ڈائریکٹر ہیلتھ کا بڑا بیان، کہی یہ بات

نیشنل کانفرنس نے کشمیری پنڈتوں کی جانب سے مسلسل احتجاج کے حوالے سے بتایا کہ پارٹی لیڈرشپ نے کوشش کی کہ وہ کشمیری پنڈتوں سے ملاقی ہوں اور ان کے مسائل سے جانکاری حاصل کریں تاہم انہیں اجازت نہیں دی گئی جبکہ بی جے پی کی پالسیوں سے لگتا ہے کہ وہ ایک اور ہجرت کو جنم دے رہے ہیں۔

 

یہ بھی پڑھئے: کون تھے شیخ عبداللہ، جن کی شبیہ کشمیر میں پولیس گیلنٹری میڈل سے ہٹایا گیا

پارٹی کے ریاستی ترجمان عمران نبی ڈار نے کشمیری پنڈتوں کے جاری احتجاج کو جائز قرار دیتے ہوئے کہا کہ گذشتہ سرکاروں نے کشمیری پنڈتوں کو وادی میں دوبارہ بسانے کا کام کیا ۔ تاہم بی جے پی کی غیر سنجیدہ اور ناقص پالسیوں سے اقلیتی فرقہ مشکلات سے دوچار ہے۔

انہوں نے حالیہ سرکاری حکم نامہ کو سرکار کی ناکامی قرار دیتے ہوئے کہا کہ رہبر کھیل، جنگلات اور این وائی سی اسکیموں کے تحت کام کر رہے نوجوانوں کو روزگار سے محروم رکھنے کی کوشش کی جا رہی ہے جبکہ ان کی پارٹی ایسے حکم ناموں کے اجرا کرنے کی مذمت کرتی ہے ۔