جموں و کشمیر: عمران ہاشمی کے فلم کرو پر پتھر پھینکنے والے شرپسند کو پولیس نے کیا گرفتار

جموں و کشمیر: پہلگام میں فلم عملہ پر پتھراؤ کرنے کے الزام میں پولیس نے ایک شرپسند کو گرفتار کرنے کا دعویٰ کیا ہے۔ پولیس نے 18 ستمبر کو پہلگام میں بالی ووڈ اسٹار عمران ہاشمی کے عملہ پر پتھر چلانے کی پاداش میں پولیس اسٹیشن پہلگام میں ایک ایف آئی آر درج کی تھی اور تحقیقات کے بعد 24 گھنٹوں کے اندر اندر پتھراؤ میں ملوث واحد شرپسند کو آج پولیس نے گرفتار کرنے کا دعویٰ کیا۔

 

یہ بھی پڑھئے: جنوبی کشمیر میں انصار غزوۃ الہند کے دو ہائبرڈ دہشت گرد گرفتار ، پولیس نے بتایا بڑی کامیابی

اننت ناگ پولیس کی جانب سے جاری کردہ ایک بیان میں کہا گیا کہ پہلگام میں جاری فلم کی شوٹنگ کے دوران 18 ستمبر کو شام 07:15 پر شوٹنگ کے اختتام پر ایک شرپسند نے فلم عملہ کے ارکان پر پتھراؤ کیا، جس کے مطابق ایف آئی آر نمبر 77/2022  پولس تھانہ پہلگام میں درج کیا گیا۔ شرپسند کی شناخت کر کے اس کو فوری طور پر گرفتار کر لیا گیا ہے۔

 

یہ بھی پڑھئے: جموں و کشمیر کانگریس کمیٹی نے پاس کی قرارداد، کہا: راہل گاندھی کو بنایا جائے قومی صدر

پولیس نے اس بات کی تصدیق کی کہ واقعہ کے بعد فوری طور پر پولیس اسٹیشن پہلگام میں دفعہ 147، 148، 370، 336 اور 323 کے تحت ایف آئی آر نمبر 77/22 درج کی گئی۔ پولیس کا کہنا ہے کہ اس واقعہ میں فلم عملہ یا کسی دیگر کو کوئی نقصان نہیں پہنچا ہے، جبکہ بالی ووڈ اسٹار عمران ہاشمی و دیگر عملہ بالکل محفوظ ہے۔ پولیس کے مطابق عمران ہاشمی کی فلم کی شوٹنگ پہلگام میں گزشتہ کئی روز سے جاری ہے اور فلم عملہ کو مقامی لوگوں کے ساتھ ساتھ پولیس و دیگر متعلقین کا بھر پور تعاون حاصل ہے ۔

ذارئع کے مطابق عمران ہاشمی ان دنوں کشمیر کے عالمی شہرت یافتہ سیاحتی مقام پہلگام میں اپنی نئی بالی ووڈ فلم گراونڈ زیرو کی شوٹنگ میں مصروف ہیں ۔