ہوم » نیوز » جموں وکشمیر

جموں وکشمیر کے اننت ناگ ضلع میں تصادم، ایک دہشت گرد ڈھیر

سکیورٹی ذرائع نے بتایا کہ اننت ناگ میں ایک اور دہشت گرد کی ہلاکت کے ساتھ رواں برس اب تک مارے جانے والے دہشت گردوں کی تعداد بڑھ کر 183 ہوگئی ہے۔ ان میں دو درجن غیر ملکی دہشت گرد شامل ہیں۔

  • Share this:
جموں وکشمیر کے اننت ناگ ضلع میں تصادم، ایک دہشت گرد ڈھیر
جموں وکشمیر کے اننت ناگ ضلع میں تصادم، ایک دہشت گرد ڈھیر۔ فوٹو: اے این آئی

سری نگر۔ جنوبی ضلع اننت ناگ کے لارنو علاقے میں ہفتہ کی صبح شروع ہونے والے ایک مسلح تصادم میں ایک دہشت گرد مارا گیا ہے۔ جموں و کشمیر پولیس کے ایک ترجمان نے بتایا کہ اننت ناگ کے لارنو میں جاری مسلح تصادم میں ایک نامعلوم دہشت گرد مارا گیا ہے۔ انہوں نے مزید کہا کہ علاقے میں آپریشن جاری ہے۔


سرکاری ذرائع نے تفصیلات فراہم کرتے ہوئے کہا کہ لارنو میں دہشت گردوں کی موجودگی سے متعلق خفیہ اطلاع ملنے پر پولیس، فوج کی 19 راشٹریہ رائفلز اور سی آر پی ایف نے مذکورہ علاقے میں ہفتہ کی علی الصبح کارڈن اینڈ سرچ آپریشن شروع کیا۔ انہوں نے کہا کہ ایک مشتبہ جگہ کو محاصرے میں لینے کے دوران وہاں موجود دہشت گردوں نے فائرنگ کی جس کے بعد طرفین کے درمیان مسلح تصادم چھڑ گیا جس میں اب تک ایک دہشت گرد مارا گیا ہے۔



سکیورٹی ذرائع نے بتایا کہ اننت ناگ میں ایک اور دہشت گرد کی ہلاکت کے ساتھ رواں برس اب تک مارے جانے والے دہشت گردوں کی تعداد بڑھ کر 183 ہوگئی ہے۔ ان میں دو درجن غیر ملکی دہشت گرد شامل ہیں۔

اس سے پہلے جمعہ کو  جموں وکشمیر کے اونتی پورہ کے کاونی علاقے میں سیکورٹی اہلکاروں نے دہشت گردانہ ٹھکانے کا پردہ فاش کرکے اسے برباد کردیا تھا۔ سیکورٹی اہلکاروں نے یہاں بھاری مقدار میں قابل اعتراض اشیا برآمد کی تھیں۔ افسران نے بتایا تھا کہ 55 قومی رائفلس اور 185 سی آر پی ایف بٹالین کے ساتھ اونتی پورہ پولیس کی مشترکہ تلاشی مہم میں لشکر طیبہ کے ایک زیرزمین ٹھکانے کا پردہ فاش کیا گیا ہے۔ تلاشی کے دوران سیکورٹی اہلکاروں کو یہاں سے کھانے پینے کی چیزیں، دھماکہ خیز مواد، گولہ بارود اور اے کے -47 رائفل کی 2019 راونڈ گولیاں ملی تھیں۔

یو این آئی، اردو کے ان پٹ کے ساتھ
Published by: Nadeem Ahmad
First published: Oct 17, 2020 01:19 PM IST
corona virus btn
corona virus btn
Loading