سیاحتی مقام گلمرگ میں آئیکونک ویک کے تحت گلمرگ لٹریری فیسٹول کا اہتمام

سیاحتی مقام گلمرگ میں آئیکونک ویک کے تحت گلمرگ لٹریری فیسٹول کا آج اہتمام ہوگا۔ اس فیسٹول میں مرکزی وزیر برائے خارجہ امور اور ثقافت محترمہ میناکشی لیکھی مہمان خصوصی کے بطور شرکت کریں گیں۔ اس فیسٹول کے انعقاد میں محکمہ سیاحت، محکمہ اعلیٰ تعلیم ، جموں وکشمیر اکیڈمی آف آرٹ کلچر اینڈ لینگویجز اور ضلع انتظامیہ بارہمولہ کا اشتراک شامل ہے۔

گلمرگ میں منعقدہ اس لٹریری فیسٹول میں ملک بھر سے نامور مصنفین ،شعراء اور فنکار شرکت کریں گے۔ اس فیسٹول میں ادب و ثقافت کے مختلف موضوعات پر تبادلہ خیال ہوگا۔

پہلی نشست میں افسانہ ،رومانوی ادب ،تاریخ ،فن تاسیس ،لوک داستان ،مصنف بننے اور اس کے سفر اور جموں کشمیر کے ابھرتے ہوئے ادیب جیسے موضوعات پر گفت و شنید ہوگی۔ فیسٹول میں مختلف فنکار اپنے فن کا بھی مظاہرہ کریں گے۔