نئےسال کے پہلے دن ہندوستان میں تیسرازلزلہ، اب لداخ میں زمین لرز ا اٹھی،کسی جانی نقصان کی اطلاع نہیں

لداخ میں زلزلہ: نئے سال کے پہلے دن شام 6.30 بجے ہندوستان میں پھر زلزلہ آیا۔ اس بار لداخ کی سرزمین کانپ اٹھی۔ زلزلے کی اطلاع نیشنل سینٹر فار سیسمولوجی نے دی۔ مرکز نے بتایا کہ زلزلے کی شدت ریکٹر اسکیل پر 4.6 تھی۔لداخ کا زیادہ تر علاقہ پہاڑی ہے اس لیے خطرے کا امکان بھی زیادہ ہے۔ تاہم زلزلے کے باعث کسی جانی یا مالی نقصان کی کوئی خبر نہیں ہے۔ بتایا جا رہا ہے کہ جس جگہ زلزلے کا مرکز تھا وہ کارگل سے 250 کلومیٹر دور ہے۔

Earthquake of Magnitude:4.6, Occurred on 01-01-2023, 18:32:57 IST, Lat: 36.67 & Long: 77.10, Depth: 150 Km ,Location: 250km NNE of Kargil, Laddakh, India for more information Download the BhooKamp App https://t.co/Ue9Do94tI8@Indiametdept @ndmaindia @Dr_Mishra1966 @DDNational pic.twitter.com/GeuEzQ094J

— National Center for Seismology (@NCS_Earthquake) January 1, 2023

زلزلے کا مرکز کارگل سے 150 کلومیٹر نیچے تھا۔نیشنل سینٹر فار سیسمولوجی کے مطابق زلزلے کی گہرائی زمین سے 150 کلومیٹر نیچے تھی۔ مرکز کی اطلاع میں کہا گیا کہ لداخ میں اتوار یکم جنوری کی شام 6:32:57 پر زلزلہ آیا۔ کرگل کے مقامی باشندوں نے اس کے جھٹکے محسوس کئے۔

Earthquake of Magnitude:4.5, Occurred on 01-01-2023, 10:57:11 IST, Lat: 17.55 & Long: 93.49, Depth: 36 Km ,Location: Bay of Bengal, for more information Download the BhooKamp App https://t.co/6A0AdXtjOV@Indiametdept @ndmaindia @Dr_Mishra1966 @Ravi_MoES @OfficeOfDrJS @PMOIndia pic.twitter.com/QMVt5bkOOu

— National Center for Seismology (@NCS_Earthquake) January 1, 2023

نیشنل کیپٹل ریجن میں بھی زمین لرز اٹھی۔لداخ سے پہلے آج (01-01-2023) ملک میں دو اور مقامات پر زلزلہ آیا۔ نیشنل سینٹر فار سیسمولوجی (NCS) کے مطابق، اتوار (01-01-2023) کو صبح 1:19 بجے جھجر، ہریانہ کے شمال مغرب میں زلزلہ آیا۔جس کی گہرائی زمین سے 5 کلومیٹر نیچے تھی۔مرکز سے موصولہ ریڈنگ کے مطابق دہلی-این سی آر میں زلزلے کی شدت ریکٹر اسکیل پر 3.8 تھی۔

اس کی وجہ سے دہلی-این سی آر کے کئی علاقوں میں زمین ہل گئی۔ اس کے بعد تقریباً 11 بجے خلیج بنگال میں زلزلہ آیا۔ ریکٹر اسکیل پر اس کی شدت 4.5 ناپی گئی۔