جموں وکشمیر: سوپورمیں انکاؤنٹر،مدثر پنڈت سمیت لشکر طیبہ کے 3دہشت گردہلاک

سری نگر: جموں و کشمیر کے سوپور میں اتوار کی رات سیکیورٹی فورسز اور دہشت گردوں کےدرمیان ایک انکاؤنٹر ہوا۔ انکاؤنٹر میں سیکیورٹی فورسز کو بڑی کامیابی ملی ہے۔ اس میں ، دہشت گرد تنظیم لشکر طیبہ کے کمانڈر سمیت 3 دہشت گرد مارے گئے ہیں۔ یہ فوج ، سی آر پی ایف اور جموں و کشمیر پولیس کا مشترکہ آپریشن تھا۔

جموں وکشمیر پولیس کے آئی جی وجئے کمار نے اس سلسلے میں جانکاری دی ہے۔ انہوں نے بتایا کہ سوپور میں انکاؤنٹر میں مارا جانے والا لشکر کا دہشت گرد مدثر پنڈت تین پولیس اہلکاروں ، دو سیاستدانوں اور دو عام شہریوں کی ہلاکت میں ملوث تھا۔ اس انکاؤنٹر میں لشکر کے کل3 دہشت گرد ہلاک ہوگئے ہیں۔

Top LeT #terrorist Mudasir Pandit who was involved in #killing of 03 policemen, 02 councillors & 02 civilians recently and other several #terror crimes got killed in Sopore #encounter: IGP Kashmir Shri Vijay Kumar@JmuKmrPolice

— Kashmir Zone Police (@KashmirPolice) June 20, 2021

انہوں نے بتایا کہ 12 جون کو شمالی کشمیر میں دہشت گردوں کے حملے کے بعد سیکیورٹی فورسز نے بہت ساری کاروائیاں شروع کردی تھیں۔ پولیس کے مطابق ، دہشت گردوں کی تلاش کے لئے علاقے میں ابھی بھی سرچ آپریشن جاری ہے۔

#UPDATE | Top LeT terrorist Mudasir Pandit who was involved in the killing of 3 policemen, 2 councillors & 2 civilians recently, has been killed in the Sopore encounter. A total of three LeT terrorists have been killed in the encounter: IGP Kashmir Vijay Kumar to ANI pic.twitter.com/zTeqQCBUv2

— ANI (@ANI) June 20, 2021

اس سے قبل 16 جون کو سری نگر کے نوگام میں سیکیورٹی فورسز کے ساتھ انکاؤنٹر میں ایک دہشت گرد مارا گیا تھا۔ دہشت گردوں کی موجودگی کے بارے میں انٹلیجنس کی جانب سے خفیہ جانکاری موصول ہونے پر ، سیکیورٹی فورسز نے 15 جون کی رات میں نوگام میں واگورا کا محاصرہ کرکے سرچ آپریشن شروع کیا۔ سرچ آپریشن ایک انکاؤنٹر میں تبدیل ہوگیاتھاجس میں ایک دہشت گرد مارگرایاگیاتھا۔