جموں و کشمیر کے لئے 30757 کروڑ، لداخ کے لئے 5958 کروڑ روپئے مختص

نئی دہلی۔جموں و کشمیر کی تقسیم کے بعد سے مودی حکومت مرکز کے زیر انتظام دونوں ریاستوں کی ترقی پر خاص زور دے رہی ہے اور بجٹ21-2020میں جموں و کشمیر کےلئے 30757 کروڑ اور لداخ کےلئے 5958 کروڑ روپے مختص کئے گئے ہیں۔

وزیر خزانہ نرملا سیتارمن نے ہفتے کو لوک سبھا میں اگلے سال کا عام بجٹ پیش کرتے ہوئے یہ اعلان کیا۔ انہوں نے کہا کہ جموں و کشمیر کے لئے 30757 کروڑ روپے اور لداخ کےلئے 5958 کروڑ روپے کا التزام کیاجارہا ہے۔ اس رقم کو دونوں مرکز کے زیر انتظام ریاستوں کی ترقی پر خرچ کیا جائےگا۔

واضح رہے کہ گزشتہ پانچ اگست کو حکومت نے جموں و کشمیر میں آرٹیکل 370ختم کرکے اسے مرکز کے زیر انتظام دو ریاستوں میں تقسیم کرنے کا فیصلہ کیا تھا۔