ہوم » نیوز » معیشت

ہڑتال کی وجہ سے مسلسل 5 دن بند رہیں گے بینک اور اے ٹی ایم، پہلے ہی کر لیں نقد کا انتظام

چونکہ یہ ہڑتال مہینے کے دوسرے سنیچر سے ٹھیک پہلے ہونا ہے ایسے میں اتوار کو ملا کر مسلسل پانچ دنوں کے لئے بینکنگ خدمات متاثر ہو سکتی ہیں۔

  • Share this:
ہڑتال کی وجہ سے مسلسل 5 دن بند رہیں گے بینک اور اے ٹی ایم، پہلے ہی کر لیں نقد کا انتظام
علامتی تصویر

نئی دہلی۔ پچھلے ہفتے ہی 31 جنوری اور یکم فروری کو مسلسل دو دن بینک ہڑتال (Bank Strike) کرنے کے بعد سرکاری بینکوں کے ملازمین اب ایک بار پھر ہڑتال کر سکتے ہیں۔ اگر سرکاری بینکوں کے ملازمین یہ ہڑتال کرنے میں کامیاب رہتے ہیں تو مارچ کے دوسرے ہفتے میں اے ٹی ایم اور بینکنگ خدمات (Banking Services) مسلسل 5 دنوں کے لئے متاثر ہو سکتی ہیں۔ لہذا عام آدمی کو نقد کی کمی سے لے کر بینکاری خدمات کو لے کر بھی پریشانیوں کا سامنا کر پڑ سکتا ہے۔




بینک ایمپلائی فیڈریشن آف انڈیا (BEFI) اور آل انڈیا بینک ایمپلائی ایسوسی ایشن (AIBEA) کے مطابق، 11 مارچ سے 13 مارچ کے درمیان مسلسل تین دنوں کے لئے بینک ہڑتال ہو سکتا ہے۔ دراصل، بینک ملازمین کی تنخواہ بڑھانے کی مانگ کو لے کر انڈیا بینک ایسوسی ایشن کے ساتھ بات چیت کامیاب نہیں رہی ہے۔


چونکہ یہ ہڑتال مہینے کے دوسرے سنیچر سے ٹھیک پہلے ہونا ہے ایسے میں اتوار کو ملا کر مسلسل پانچ دنوں کے لئے بینکنگ خدمات متاثر ہو سکتی ہیں۔ بتا دیں کہ ہر مہینے کے دوسرے ہفتے کو بینکوں کی چھٹی رہتی ہے۔ حالانکہ، اس ہڑتال سے آئی سی آئی سی آئی ICICI بینک اور ایچ ڈی ایف سی HDFC بینک جیسے نجی بینکوں کے کام کاج پر کوئی اثر نہیں پڑنے کا امکان ہے۔
First published: Feb 08, 2020 02:50 PM IST