کروڑوں ای پی ایف کھاتہ داروں کے لئے بڑی خوش خبری، ای پی ایف او نے کیا یہ اعلان

ابھی ورکروں کو یو اے این کے لئے ایمپلائرز کے ذریعہ درخواست دینی ہوتی تھی۔ اب ای پی ایف او کی ویب سائٹ سے اسے خود ہی بنایا جا سکتا ہے۔

Nov 02, 2019 02:21 PM IST | Updated on: Nov 02, 2019 02:22 PM IST
کروڑوں ای پی ایف کھاتہ داروں کے لئے بڑی خوش خبری، ای پی ایف او نے کیا یہ اعلان

ای پی ایف او

نئی دہلی۔ ایمپلائیز پروویڈنٹ فنڈ آرگنائزیشن ( ای پی ایف او) نے جمعہ کو منظم شعبہ کے ورکروں کو اب یونیورسل اکاؤنٹ نمبر ( یو اے این) تخلیق کرنے کے لئے آن لائن سہولت پیش کی ہے۔ اس سے ورکرز خود ہی آن لائن طریقے سے یو اے این حاصل کر سکیں گے۔ ابھی ورکروں کو یو اے این کے لئے ایمپلائرز کے ذریعہ درخواست دینی ہوتی تھی۔ اب ای پی ایف او کی ویب سائٹ سے اسے خود ہی بنایا جا سکتا ہے۔

اس کے علاوہ ای پی ایف او نے پنشن یافتگان کے لئے پنشن ادائیگی حکم جیسے پنشن سے متعلق دیگر دستاویز ڈیجی لاکر میں ڈاؤن لوڈ کرنے کی بھی سہولت شروع کی ہے۔ وزیر برائے محنت سنتوش گنگوار نے ای پی ایف او کے 67 ویں یوم تاسیس پر یہاں ان دونوں سہولتوں کی شروعات کی۔ انہوں نے ای۔ جائزہ کا بھی آغاز کیا۔

Loading...

حال ہی میں کچھ میڈیا رپورٹوں میں کہا گیا تھا کہ ای پی ایف او پنشن کی عمر کی حد کو 58 سال سے بڑھا کر 60 سال کر سکتا ہے۔ اس کے لئے ای پی ایف ایکٹ 1952 میں تبدیلی کی تیاری کی جا رہی ہے۔ اسے بدلنے کے پیچھے بڑی وجہ دنیا بھر میں طئے کی گئی عمر کو بتایا جا رہا ہے۔ دنیا کے زیادہ تر پنشن فنڈ میں پنشن کی عمر 65 سال طئے کی گئی ہے اس لئے اسے بدلنے کی تیاری ہے۔ اگر ای پی ایف او یہ قدم اٹھاتا ہے تو نوکری پیشہ لوگوں کی سبکدوشی کی عمر بھی 2 سال بڑھ سکتی ہے۔ بورڈ سے منظوری ملنے کے بعد تجویز کابینہ کی منظوری کے لئے وزارت محنت کو بھیجی جائے گی۔

Loading...