உங்கள் மாவட்டத்தைத் தேர்வுசெய்க

    Flipkart: فلپ کارٹ پر عائد ہوا 1 لاکھ روپے کا جرمانہ! آخرکیاہےوجہ؟ آپ جان کرہوں گےحیران

    یہی نہیں بلکہ 45 دنوں کے اندر اس کی تعمیل رپورٹ پیش کرے۔

    یہی نہیں بلکہ 45 دنوں کے اندر اس کی تعمیل رپورٹ پیش کرے۔

    سی سی پی اے کی چیف کمشنر ندھی کھرے (Nidhi Khare) کی قیادت میں ایک پینل نے فلپ کارٹ کو ہدایت دی ہے کہ وہ اپنے پلیٹ فارم پر فروخت ہونے والے تمام 598 پریشر ککرز کے صارفین کو مطلع کرے۔ پریشر ککر واپس لے لیں اور صارفین کو اس کی قیمت واپس کردیں۔

    • Share this:
      سینٹرل کنزیومر پروٹیکشن اتھارٹی (Central Consumer Protection Authority) نے بدھ کے روز کہا کہ اس نے ای کامرس پلیئر فلپ کارٹ (Flipkart) پر لازمی معیارات کی خلاف ورزی کرتے ہوئے اپنے پلیٹ فارم پر سینکڑوں غیر معیاری گھریلو پریشر ککرز کی فروخت کی اجازت دینے پر ایک لاکھ روپے کا جرمانہ عائد کیا ہے۔ سی سی پی اے کی چیف کمشنر ندھی کھرے (Nidhi Khare) کی قیادت میں ایک پینل نے فلپ کارٹ کو ہدایت دی ہے کہ وہ اپنے پلیٹ فارم پر فروخت ہونے والے تمام 598 پریشر ککرز کے صارفین کو مطلع کرے۔ پریشر ککر واپس لے لیں اور صارفین کو اس کی قیمت واپس کردیں۔ یہی نہیں بلکہ 45 دنوں کے اندر اس کی تعمیل رپورٹ پیش کرے۔

      سی سی پی اے نے بدھ 17 اگست کو ایک پریس ریلیز میں کہا کہ کمپنی کو اپنے ای کامرس پلیٹ فارم پر ایسے پریشر ککرز کی فروخت کی اجازت دینے اور صارفین کے حقوق کی خلاف ورزی کرنے پر 1,00,000 روپے کا جرمانہ ادا کرنے کی ہدایت دی ہے۔ رائٹس اتھارٹی نے نوٹ کیا کہ ’فلپ کارٹ کے استعمال کی شرائط‘ میں پروڈکٹ کے ہر انوائس پر 'پاورڈ بائی فلپ کارٹ' کے الفاظ کا لازمی استعمال اور مختلف فوائد کی تقسیم کے لیے فروخت کنندگان کو سونے، چاندی اور کانسی کے انعامات جیسی باتیں اس کردار کی نشاندہی کرتی ہیں۔ کمپنی اپنے ای کامرس پلیٹ فارم پر پریشر ککر اور دیگر مصنوعات فروخت کر رہی ہے۔

      اتھارٹی نے کہا کہ فلپ کارٹ نے اعتراف کے طور پر اپنے ای کامرس پلیٹ فارم پر اس طرح کے پریشر ککرز کے فروخت کے ذریعے 1,84,263 روپے کی کل فیس حاصل کی۔ سی سی پی اے کے ذریعہ مشاہدہ کیا گیا کہ جب فلپ کارٹ نے اس طرح کے پریشر ککرز کی فروخت سے تجارتی طور پر فائدہ اٹھایا ہے، تو وہ صارفین کو ان کی فروخت سے پیدا ہونے والے نقصان سے خود کو الگ نہیں کر سکتا۔

      یہ بھی پڑھیں: 

      لارین گوٹیب نے رلیشن شپ کو لیکر کیا بڑا انکشاف، بوائے فرینڈ کے ساتھ شیئر کی کس کرتی ہوئی تصاویر

      ڈومیسٹک پریشر ککر (کوالٹی کنٹرول) آرڈر گزشتہ سال 1 فروری کو نافذ ہوا تھا۔ سینٹرل کنزیومر پروٹیکشن اتھارٹی کے قوانین کے مطابق تمام گھریلو پریشر ککرز کے لیے IS 2347:2017 کے مطابق ہونا لازمی قرار دیتا ہے۔ لہٰذا 1 ​​فروری 2021 سے، تمام پریشر ککرز کو IS 2347:2017 کے مطابق ہونا ضروری ہے اور پوری احتیاط کی ضرورت ہے چاہے پریشر ککر آن لائن یا آف لائن فروخت کے لیے پیش کیے جائیں۔

      یہ بھی پڑھیں: 

      BJP پارلیمانی بورڈ میں بڑی تبدیلی، نتن گڈکری-شیوراج سنگھ چوہان کی چھٹی، ان نئے چہروں کو کیا گیا شامل



      پریس ریلیز نے کہا کہ مرکزی حکومت وقتاً فوقتاً کوالٹی کنٹرول آرڈرز (QCOs) کو مطلع کرتی ہے جس میں کسی پروڈکٹ کے معیار اور معیاری نشان کے استعمال کی لازمی تعمیل ہوتی ہے تاکہ صارفین کو سامنان کے ٹوٹ پھوٹ جانے یا نقصان کے خطرے سے بچایا جا سکے اور بڑے پیمانے پر یہ عوام کے مفاد میں ہو۔
      Published by:Mohammad Rahman Pasha
      First published: