ہوم » نیوز » معیشت

پیٹرول اور ڈیزل کی قیمتوں میں اضافہ کا سلسلہ جاری، عام آدمی پریشان

پیٹرول اور ڈیزل کی قیمتوں میں اضافہ کا سلسلہ لگاتار جاری ہے۔۔سرکاری تیل کمپنیوں نے ایندھن کی قیمتوں میں آج پھر اضافہ کیا ہے۔

  • Share this:

پیٹرول اور ڈیزل کی قیمتوں میں اضافہ کا سلسلہ لگاتار جاری ہے۔۔سرکاری تیل کمپنیوں نے ایندھن کی قیمتوں میں آج پھر اضافہ کیا ہے۔ پیٹرول اور ڈیزل کی قیمتوں میں آج سترہ سے ستائیس پیسے تک کا اضافہ کیا گیا ہے۔ دہلی میں پیٹرول تیئس پیسے بڑھ کر ترانوے روپے چوالیس پیسے اور ڈیزل پچیس پیسے بڑھ کر چوراسی روپے بتیس پیسے فی لیٹر ہو گیا ہے۔ واضح رہے کہ ایک مہینے کے اندر پیٹرول اور ڈیزل کی قیمتوں میں یہ تیروہیں بار اضافہ ہوا ہے۔ دہلی کی بات کریں تو پیٹرول تین روپے اور ڈیزل چار روپے تک مہنگا ہوا ہے۔ وہیں کچھ شہروں میں پیٹرول کی قیمت سو روپئے تک پہنچ گئی ہے۔


پیٹرول ڈیزل کی قیمتوں میں منگل کے روز ایک بار پھر اضافہ کیا گیا جس کی وجہ سے ممبئی میں پٹرول 99.71 روپے فی لیٹر پہنچ گیا۔ ملک کے چار بڑے میٹرو شہروں میں آج پٹرول کی قیمت میں 23 پیسے اور ڈیزل کی قیمت میں 27 پیسے کا اضافہ کیا گیا ، جو ایک نئی تاریخی سطح تک پہنچ گیا۔ گزشتہ 04 مئی سے اب تک ، پٹرول اور ڈیزل کی قیمتوں میں 13 دن اضافہ کیا گیا ہے ، جبکہ ان کی قیمتوں میں نو دن کوئی تبدیلی نہیں کی گئی ہے۔۔ اس دوران ، دہلی میں پٹرول 3.04 روپے اور ڈیزل میں 3.59 روپے مہنگا ہوگیا ہے۔


معروف آئل مارکیٹنگ کمپنی انڈین آئل کارپوریشن کی ویب سائٹ کے مطابق ممبئی میں آج پٹرول کی قیمت 22 پیسے اضافے کے ساتھ 99.71 روپے فی لیٹر ہوگئی۔ ملک کے کچھ شہروں میں یہ پہلے ہی 100 روپے فی لیٹر عبور کرچکاہے۔ دہلی میں پٹرول 23 پیسے مہنگا ہوکر 93.44 روپے فی لیٹر اور ڈیزل 25 پیسے بڑھ کر 84.32 روپے فی لیٹر پہنچ گیا۔ چنئی میں پٹرول کی قیمت 20 پیسے اور کولکاتہ میں 22 پیسے اضافے کے ساتھ بالترتیب 95.06 اور 93.49 روپے فی لیٹر ہوگئی۔

ممبئی میں ڈیزل کی قیمت میں 27 پیسے ، چنئی میں 24 پیسے اور کولکتہ میں 25 پیسے کا اضافہ ہوا ہے۔ ممبئی میں ایک لیٹر ڈیزل کی قیمت 91.57 روپے ، چنئی میں 89.11 روپے اور کولکتہ میں 87.16 روپے پہنچ گئی۔
پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنا پر ، ہر روز صبح چھ بجے سے نئی قیمتوں کا اطلاق ہوتا ہے۔
ملک کے چار میٹرو شہروں میں آج پٹرول اور ڈیزل کی قیمتیں حسب ذیل رہیں:۔
شہر کا نام —— پیٹرول —— ڈیزل
دہلی : 93.44 —— 84.32
ممبئی: 99.71 ——91.57
چنئی:95.06 —— 89.11
کولکتہ: 93.49 ——87.16
Published by: Sana Naeem
First published: May 25, 2021 02:28 PM IST