اگر آپ بھی اٹھاتے ہیں حکومت کی مفت راشن اسکیم کا فائدہ تو یہ خبر پڑھ کرحیران رہ جائیں گے آپ

نئی دہلی. اگر آپ بھی راشن کارڈ استعمال کرتے ہیں اور اس کے ذریعے حکومت کی مفت راشن اسکیم کا فائدہ اٹھاتے ہیں تو یہ خبر آپ کے لیے اہم ہے۔ آپ کو بتاتے چلیں کہ راشن کی تقسیم سے متعلق ایک نیا اپڈیٹ سامنے آیا ہے۔ آپ اس اپ ڈیٹ کو سن کر تھوڑا پریشان ہو سکتے ہیں۔ جیسا کہ آپ جانتے ہیں کہ راشن کی تقسیم ہر مہینے کی 15 تاریخ تک ہونی چاہیے لیکن اس بار کچھ اضلاع میں ابھی تک راشن کی تقسیم نہیں ہوئی ہے۔

میڈیا رپورٹس کے مطابق فوڈ کارپوریشن آف انڈیا (ایف سی آئی) کی جانب سے کچھ اضلاع میں ابھی تک چاول کی سپلائی نہیں کی گئی ہے۔ جس کی وجہ سے راشن کی سپلائی نہیں ہو پارہی ہے۔ یعنی مفت راشن اسکیم کے استفادہ کنندگان کو اضافی انتظار کرنا ہوگا۔

تقسیم کے نظام میں خرابی کی وجہ سے تاخیر
ایف سی آئی کے ذریعہ صرف گندم، چینی، چنا، تیل اور نمک ہی کچھ راشن کوٹے کی دکانوں پر پہنچایا گیا ہے۔ راشن کی تقسیم کے لیے ان دکانوں تک چاول پہنچنے کا انتظار کیا جارہا ہے۔ حکام نے اس حوالے سے بتایا کہ جلد ہی دکانوں تک چاول پہنچ جائیں گے۔ چاول راشن کی دکانوں پر پہنچنے کے بعد تقسیم شروع کی جائے گی۔ ڈسٹری بیوشن سسٹم میں خرابی کی وجہ سے کارڈ ہولڈروں کو جنوری میں راشن ملنے میں تاخیر ہوئی ہے۔

چھٹی پر گئے ملازموں کو تنگ کرنا پڑے گا بھاری، لگے گا 1لاکھ کا جرمانہ! تفصیل یہاں جانئے

 

کرناٹک میں نوعمروں کو کنڈوم اور مانع حمل گولیاں نہ بیچنےکا فرمان لیاگیا واپس، جانئےمعاملہ

فوڈ کارپوریشن آف انڈیا سے معلومات موصول نہیں ہوئیں
پوائنٹ آف سیلز مشین (PoS) راشن کی دکانوں پر چاول کوٹہ کے نہ ہونے کی وجہ سے راشن کی تقسیم کی اجازت نہیں دے رہی ہے۔ ایسے میں راشن کارڈ ہولڈر ا نہ چاہتے ہوئے بھی انتظار کرنے پر مجبور ہیں۔ فوڈ کارپوریشن آف انڈیا سے چاول کی سپلائی میں تاخیر کیوں ہو رہی ہے اس بارے میں معلومات سامنے نہیں آئی ہیں۔