Income tax: مرکزی بجٹ 2023 میں نیو ٹیکس ریجیم میں کیا ہوئی تبدیلی؟ کیسے ہوگا آپ کو فائدہ؟ جانیےتفصیل

بجٹ 2023 کے تحت اب 7 لاکھ روپے تک کوئی انکم ٹیکس نہیں ہوگا۔ یہ نظرثانی شدہ ٹیکس سلیب ہے۔ آج (1 فروری 2023) بروز بدھ کو مرکزی بجٹ 2023 میں وزیر خزانہ نرملا سیتارامن نے اعلان کیا کہ نئے ٹیکس نظام میں 7 لاکھ روپے تک کوئی انکم ٹیکس نہیں ہوگا۔ سیتا رمن نے کہا کہ حکومت نے نئے ٹیکس نظام میں انکم ٹیکس کی چھوٹ کی حد کو 5 لاکھ روپے سے بڑھا کر 7 لاکھ روپے کرنے کی تجویز پیش کی ہے۔

نئے ٹیکس نظام کے تحت نظر ثانی شدہ ٹیکس سلیب یہ ہے:

۔ 0 سے 3 لاکھ روپے کی آمدنی پر کوئی ٹیکس نہیں

۔ تین لاکھ روپے سے زیادہ اور 5 لاکھ روپے تک کی آمدنی پر 5 فیصد ٹیکس لگے گا۔

۔ نئے بجٹ کے تحت 6 لاکھ روپے اور 9 لاکھ روپے تک کی آمدنی پر 10 فیصد ٹیکس لگے گا۔

۔ 12 لاکھ روپے سے زیادہ اور 15 لاکھ روپے تک کی آمدنی پر 20 فیصد ٹیکس عائد کیا جائے گا۔

۔ 15 لاکھ روپے سے زیادہ کی آمدنی پر 30 فیصد ٹیکس عائد کیا جائے گا۔

نئے ٹیکس نظام میں 7 لاکھ روپے تک کی آمدنی پر انکم ٹیکس کی چھوٹ دی گئی ہے۔ وزیر خزانہ نرملا سیتا رمن نے اعلان کیا کہ نئے ٹیکس نظام میں 7 لاکھ روپے تک کی آمدنی پر انکم ٹیکس چھوٹ کو بڑھا دیا گیا ہے۔

نرملا سیتا رمن نے کہا کہ میں نے 2020 میں متعارف کرایا 6 انکم سلیب کے ساتھ ذاتی انکم ٹیکس کا نیا نظام کا آغاز 2.5 لاکھ روپے سے ہے۔ میں تجویز کرتی ہوں کہ اس نظام میں ٹیکس کے ڈھانچے کو سلیبوں کی تعداد کو کم کرکے 5 کر دیا جائے اور ٹیکس چھوٹ کی حد کو 3 لاکھ روپے تک بڑھایا جائے۔

وزیر خزانہ نرملا سیتارامن نے کہا کہ پردھان منتری غریب کلیان انا یوجنا کے تحت 2 لاکھ کروڑ روپے مرکزی حکومت کے ذریعے دیا جا رہا ہے۔ انتودیا اسکیم کے تحت غریبوں کو مفت اناج کی فراہمی میں ایک سال کی توسیع کی گئی ہے۔ انہوں نے مزید کہا کہ ہمارا اقتصادی ایجنڈا شہریوں کے لیے مواقع کی سہولت فراہم کرنے، ترقی کی رفتار اور روزگار کے مواقع پیدا کرنے اور میکرو اکنامک استحکام کو مضبوط بنانے پر مرکوز ہے۔

یہ بھی پڑھیں: 

• Union Budget 2023: وزیرخزانہ سیتارمن نے بجٹ 2023 کی ان 7 خاص ترجیحات کاخاکہ کیاپیش


• کس کیلئے کیا اعلان ہوئے، 10پوائنٹ میں جانئے وزیر خزانہ نرملا سیتا رمن کی پوری بجٹ تقریر


• Budget 2023: مرکزی بجٹ کی یہ ہیں خاص جھلکیاں، زراعت و سیاحت کومرکزی حیثیت حاصل، جانیےتفصیل


• آج شیئربازار میں بنےگا پیسہ یا ہوگا نقصان جانئے گزشتہ 10 بجٹ ڈے پر کیسا رہا مارکیٹ کا موڈ


• Budget 2023: مرکزی بجٹ میں سستی، مہنگی اشیاء کاتوازن کیسےہوگاقائم؟ روٹی، کپڑا و مکان ....!

مرکزی وزیر خزانہ نرملا سیتا رمن نے اپنی بجٹ تقریر کے دوران کہا کہ ہندوستانی معیشت صحیح راستے پر ہے اور روشن مستقبل کی طرف بڑھ رہی ہے۔ کووڈ وبا کے دوران، ہم نے اس بات کو یقینی بنایا کہ کوئی بھی بھوکا نہ سوئے جس کے تحت 80 کروڑ سے زیادہ افراد کو 28 مہینوں تک مفت اناج فراہم کیا جائے۔

انہوں نے کہا کہ یہ امرت کال کا پہلا بجٹ ہے۔ یہ آزادی کے 100 سال بعد ہندوستان کے وژن کا بجٹ ہے۔ اس بجٹ میں کسانوں، درمیانی ​​طبقے، خواتین سے لے کر سماج کے تمام طبقات کی ترقی کا فریم ورک ہے۔