نئی دہلی : جیو ۔ بی پی اور زومیٹو کے درمیان بدھ کو ہوئے ایک معاہدے کے تحت، زومیٹو کے الیکٹرک وہیکلوں کے لیے نقل و حرکت کی خدمات فراہم کرے گا۔ ساتھ ہی جیو۔ بی پی پلس' برانڈیڈ بیٹری سویپنگ اسٹیشنوں کا فائدہ بھی زومیٹو کے الیکٹرک وہیکلز اٹھا پائیں گے۔ دراصل زومیٹو نے 2030 تک 100 فیصد الیکٹرک ڈیلیوری گاڑیوں کا ہدف مقرر کیا ہے۔
ریلائنس اوربی پی کی طاقتوں کا فائدہ اٹھاتے ہوئے جیو۔ بی پی ایک ایسا ایکو سسٹم بنا رہا ہے، جس سے ای وی ویلیو چین میں تمام اسٹیک ہولڈرز کو فائدہ پہنچے گا۔ پچھلے سال جیو۔ بی پی نے ہندوستان میں دو سب سے بڑے ای وی چارجنگ ہبس کا آغاز کیا تھا ۔
کمپنی کا برقی نقل و حرکت کا کاروبار، ہندوستانی صارفین کو چارجنگ کا بنیادی ڈھانچہ فراہم کرتا ہے، جو جیو۔ بی پی پلس برانڈ کے تحت کام کرتا ہے۔ صارفین جیو ۔ بی پی پلس موبائل ایپ پر قریبی چارجنگ اسٹیشن آسانی سے تلاش کر سکتے ہیں۔
اعلی کارکردگی والی بیٹریاں، گاڑیوں کی بہتر آن روڈ رینج اور صرف چند منٹوں میں بیٹری بدلنے کی سہولت ای وی کو دو اور تین پہیوں کے لیے ایک بہترین آپشن بناتی ہے۔ خاص طور پر ڈیلیوری سیگمینٹ کو اس کا فائدہ مل رہا ہے۔
Published by:Imtiyaz Saqibe
First published:
سب سے پہلے پڑھیں نیوز18اردوپر اردو خبریں، اردو میں بریکینگ نیوز ۔ آج کی تازہ خبر، لائیو نیوز اپ ڈیٹ، پڑھیں سب سے بھروسہ مند اردو نیوز،نیوز18 اردو ڈاٹ کام پر ، جانیئے اپنی ریاست ملک وبیرون ملک اور بالخصوص مشرقی وسطیٰ ،انٹرٹینمنٹ، اسپورٹس، بزنس، ہیلتھ، تعلیم وروزگار سے متعلق تمام تفصیلات۔ نیوز18 اردو کو ٹویٹر ، فیس بک ، انسٹاگرام ،یو ٹیوب ، ڈیلی ہنٹ ، شیئر چاٹ اور کوایپ پر فالو کریں ۔