உங்கள் மாவட்டத்தைத் தேர்வுசெய்க

    LPG Price Hike: پھر بڑھے گھریلوLPGگیس کی قیمتیں، 1000 سے زیادہ ہوئی سلینڈر کی قیمت

    رسوئی گیس ایل پی جی سلینڈر۔ (Rasoi Gas LPG Cylinder)

    رسوئی گیس ایل پی جی سلینڈر۔ (Rasoi Gas LPG Cylinder)

    LPG Price Hiked Again:اس سال ایل پی جی گیس سلنڈر کی قیمت میں کئی گنا اضافہ ہوا ہے۔ یکم اپریل کو 19 کلو کے کمرشل سلنڈر کی قیمت میں 250 روپے کا اضافہ ہوا تھا۔ تب اس کی قیمت 2253 روپے تک پہنچ گئی تھی۔

    • Share this:
      LPG Price Hiked Again:عام آدمی کی جیب کو ایک بار پھر دھچکا لگا ہے۔ تیل کمپنیوں نے ایک بار پھر گھریلو ایل پی جی گیس سلنڈر کی قیمت بڑھا دی ہے۔ اب ملک میں گھریلو گیس سلنڈر 1000 روپے سے تجاوز کر گیا ہے۔ ساتھ ہی گھریلو ایل پی جی کے علاوہ کمرشل ایل پی جی سلنڈر بھی مہنگے ہو گئے ہیں۔

      1000 سے زیادہ ہوا سلینڈر
      جانکاری کے مطابق آج گھریلو ایل پی جی سلنڈر کی قیمت میں 3 روپے 50 پیسے کا اضافہ ہوا ہے۔ جس کے بعد ملک میں گھریلو ایل پی جی سلنڈر 1000 سے تجاوز کر گیا ہے۔ گھریلو گیس سلنڈر کی قیمت میں اضافے کے بعد آج سے 14.2 کلو کے گھریلو ایل پی جی سلنڈر کی قیمت دہلی اور ممبئی میں 1003 روپے، کولکتہ میں 1029 روپے، چنئی میں 1018.5 روپے ہو گئی ہے۔

      کمرشیل ایل پی جی سلینڈر بھی مہنگا
      گھریلو ایل پی جی کے علاوہ کمرشل ایل پی جی سلنڈر بھی 8 روپے مہنگا ہو گیا ہے۔ آج سے 19 کلو کا سلنڈر دہلی میں 2354 روپے، کولکتہ میں 2454 روپے، ممبئی میں 2306 روپے اور چنئی میں 2507 روپے کا ہو گا۔ آپ کو بتادیں کہ 7 مئی کو کمرشل گیس سلنڈر 10 روپے سستا ہوا تھا۔

      مئی میں دو بار بڑھی سلینڈر کی قیمتیں
      غور طلب ہے کہ اس سے قبل 7 مئی کو گھریلو گیس سلنڈر میں 50 روپے کا اضافہ ہوا تھا۔ اس کے بعد گھریلو گیس سلنڈر کی قیمت 999.50 روپے تک پہنچ گئی۔ اس سے قبل کمرشل گیس سلنڈر کی قیمت میں 102 روپے کا اضافہ کیا گیا تھا۔

      یہ بھی پڑھیں:
      SBIکسٹمرس کا لون اور مہنگا ہوگا، بینک نے مہینے میں دوسری بار بڑھایا MCLR، چیک کریں نئی شرح

      یہ بھی پڑھیں:
      CNGمہنگی ہونے کے بعد پٹرول۔ڈیزل کی نئی قیمتیں جاری، چیک کریں آپ کےشہر کے تیل کے دام

      اس سال لگاتار بڑھی قیمتیں
      اس سال ایل پی جی گیس سلنڈر کی قیمت میں کئی گنا اضافہ ہوا ہے۔ یکم اپریل کو 19 کلو کے کمرشل سلنڈر کی قیمت میں 250 روپے کا اضافہ ہوا تھا۔ تب اس کی قیمت 2253 روپے تک پہنچ گئی تھی۔ اس سے قبل کمرشل ایل پی جی کی قیمت میں یکم مارچ 2022 کو 105 روپے کا اضافہ کیا گیا تھا۔ یعنی پچھلے کئی مہینوں سے گیس سلنڈر (LPG Price Hike) کی قیمتوں میں اضافے کا زوردار عمل جاری ہے۔
      Published by:Shaik Khaleel Farhaad
      First published: