ہوم » نیوز » معیشت

سات دن میں پٹرول 3.90 روپئے اور ڈیزل چار روپئے فی لیٹر مہنگا، جانئے آج کیا ہے قیمت

قومی راجدھانی دلی میں پٹرول کی قیمت سنیچر کو 59 پیسے کے اضافے کے ساتھ 75 روپے فی لیٹر اور ڈیزل کی قیمت 58 پیسے بڑھ کر 73 روپے فی لیٹر سے زیادہ ہو گئی ہے۔

  • UNI
  • Last Updated: Jun 13, 2020 12:38 PM IST
  • Share this:
سات دن میں پٹرول 3.90 روپئے اور ڈیزل چار روپئے فی لیٹر مہنگا، جانئے آج کیا ہے قیمت
علامتی تصویر

نئی دہلی۔ قومی راجدھانی دلی میں پٹرول کی قیمت سنیچر کو 59 پیسے کے اضافے کے ساتھ 75 روپے فی لیٹر اور ڈیزل کی قیمت 58 پیسے بڑھ کر 73 روپے فی لیٹر سے زیادہ ہو گئی ہے۔ ملک میں پٹرول۔ ڈیزل کے دام میں ساتویں دن بڑا اضافہ کیا گیا ہے۔ ان سات دنوں میں دلی میں پٹرول 3.90 روپے یعنی 5.47 فیصد اور ڈیزل چار روپے یعنی 5.76 فیصد مہنگا ہوچکا ہے۔


ملک کی سب سے بڑی تیل تقسیم کرنے والی کمپنی انڈین آئل کارپوریشن کے مطابق دلی میں پٹرول کی قیمت سنیچر کو 59 پیسے بڑھ کر 75.16 روپے فی لیٹر پر پہنچ گئی ہے۔ یہ اس برس 18 جنوری کے بعد کی اس کی اعلی سطح ہے۔ ڈیزل بھی 58 پیسے مہنگا ہوکر 73.39 روپے فی لیٹر کے دام میں فروخت ہوا جو 2 نومبر 2018 کے بعد کی اس کی سب سے زیادہ خوردہ قیمت ہے۔


پٹرول کی قیمت کولکاتا اور ممبئی میں 55۔55 پیسے بڑھ کر بالترتیب 77.05 اور 82.10 روپے فی لیٹر پر پہنچ گئی ہے۔ چنئی میں یہ 51 پیسے بڑھ کر 78.99 روپے فی لیٹر رہی۔ کولکاتا میں ڈیزل 53 پیسے مہنگا ہوکر 69.23 روپے، ممبئی میں 55 پیسے مہنگا ہوکر 72.03 روپے اور چنئی میں 49 پیسے کے اضافے کے ساتھ 71.64 روپے فی لیٹر فروخت ہوا۔


ملک کے چار اہم شہروں میں پٹرول اور ڈیزل کے دام (روپے فی لیٹر میں) اس طرح رہے۔

میٹرو شہر ----------- پٹرول ----------------- ڈیزل

دہلی ------------ 75.16 ------- 73.39

کولکتہ --------- 77.05 ------- 69.23

ممبئی ------------- 82.10 ------- 72.03

چنئی ------------ 78.99 ------- 71.64
خیال رہے کہ پٹرول۔ ڈیزل کی قیمتیں ہر دن گھٹتی اور بڑھتی رہتی ہیں۔ پٹرول۔ ڈیزل کی نئی قیمت صبح 6 بجے سے نافذ ہو جاتی ہے۔ ان کی قیمت میں ایکسائز ڈیوٹی اور ڈیلر کمیشن سب کچھ جوڑنے کے بعد قیمت تقریبا دوگنی ہو جاتی ہے۔
First published: Jun 13, 2020 12:38 PM IST
corona virus btn
corona virus btn
Loading