உங்கள் மாவட்டத்தைத் தேர்வுசெய்க

    دیوالی پر دہلی کے لوگوں کو بڑی راحت، پٹرول۔ڈیزل کے دام ہوئے کم،  یہاں  چیک کریں نئی قیمتیں

    Youtube Video

    حکومت کی طرف سے دیوالی کے تحفے (Happy Diwali) کے طور پر سنٹرل ایکسائز ڈیوٹی میں کمی کی وجہ سے راجدھانی دہلی میں جمعرات کو پٹرول 6.07 روپے فی لیٹر اور ڈیزل 11.75 روپے سستا ہو گیا۔

    • Share this:
      ملک کی راجدھانی میں دھنتیرس (Dhanteras) کے دن پٹرول کی قیمت (Petrol-Diesel Price Today) 110 روپے تک پہنچ گئی تھی۔ جبکہ ڈیزل سنچری (98.42) کے قریب تھا۔ یہی نہیں بلکہ آئے روز ڈیزل اور پٹرول کی قیمتوں میں ہونے والے اضافے نے عام آدمی کی کمر توڑ دی ہے۔ حکومت کی طرف سے دیوالی کے تحفے (Happy Diwali) کے طور پر سنٹرل ایکسائز ڈیوٹی میں کمی کی وجہ سے راجدھانی دہلی میں جمعرات کو پٹرول 6.07 روپے فی لیٹر اور ڈیزل 11.75 روپے سستا ہو گیا۔ فی الحال یہاں پٹرول 103.97 روپے فی لیٹر اور ڈیزل 86.67 روپے فی لیٹر پر آگیا ہے۔ حکومت نے گذشتہ رات، پٹرول اور ڈیزل کی قیمتوں میں بالترتیب 5 روپے اور 10 روپے فی لیٹر کی قدرے تخفیف کی تھی۔ اس کے بعد بھارتیہ جنتا پارٹی (بی جے پی) اور نیشنل ڈیموکریٹک الائنس (این ڈی اے) کی حکومت والی ریاستوں نے بھی ویٹ (وی اے ٹی) میں کم کرنے کا اعلان کیا ہے۔ اتر پردیش میں ڈیزل اور پٹرول کی قیمتوں میں 12 روپے فی لیٹر کم کیے جانے کا اعلان کیا گیا ہے۔ گجرات میں پٹرول اور ڈیزل کی قیمتوں میں فوری طور پر فی لیٹر 7 روپے کم کرنے کا اعلان کیا۔ ہماچل پردیش میں پٹرول اور ڈیزل پر ٹیکس کم کرنے کی تیاریاں جاری ہیں۔ آسام میں 7 روپے کی تخفیف کا اعلان کیا گیا ہے۔ تریپورہ میں پٹرول اور ڈیزل کی قیمتوں میں بھی 7 روپے کی کم کیے گئے ہیں۔ کرناٹک اور گوا کی حکومتوں نے بھی اپنی اپنی ریاستوں میں پٹرول اور ڈیزل کی قیمتوں میں 7 روپے فی لیٹر کی تخفیف کا اعلان کیا ہے۔ اتراکھنڈ میں بھی پٹرول پرویٹ (وی اے ٹی) روپے فی لیٹر کم کرنے کا اعلان کیا گیا تھا۔ منی پور حکومت بھی فوری اثر سے پٹرول اور ڈیزل پر ویٹ (وی اے ٹی) میں 7 روپےکم کرے گی۔ بہار حکومت نے سب سے کم تخفیف کی ہے۔ بہار حکومت نے پیٹرول پر 1 روپے 30 پیسے اور ڈیزل پر 1 روپے 90 پیسے ہی کم کیے ہیں۔
      اس تخفیف کے بعد آج ممبئی میں پٹرول 109.98 روپے اور ڈیزل 94.14 روپے فی لیٹر ہے، مدھیہ پردیش کی راجدھانی بھوپال میں سب سے مہنگا پٹرول 112.56 روپے فی لیٹر اور ڈیزل 95.40 روپے فی لیٹر، پٹنہ میں پٹرول 107.92 روپے اور ڈیزل 93.10 روپے فی لیٹر، بنگلور میں پٹرول 107.64 روپے اور ڈیزل 92.03 روپے فی لیٹر پر آگیا ہے۔ کولکاتا میں پٹرول کی قیمت 104.67 روپے فی لیٹر اور ڈیزل کی قیمت 89.79 روپے فی لیٹر ہے۔ دہلی این سی آر کے نوئیڈا میں پٹرول کی قیمت 101.29 روپے اور ڈیزل کی قیمت 87.31 روپے فی لیٹر ہے۔
      ملک کے تمام بڑے شہروں میں پیٹرول کی قیمت 110 روپے فی لیٹر سے تجاوز کر گئی تھی لیکن اب ایکسائز ڈیوٹی کم کیے جانے کے باعث 105 روپے فی لیٹر پر آگئی ہے۔ ڈیزل نے بھی بیشتر شہروں میں سنچری لگائی تھی لیکن اب یہ بھی 90 روپے فی لیٹر سے نیچے آ گیا ہے۔
      عالمی بازار میں آج خام تیل کی قدر میں نرمی رہی۔ جمعرات کو سنگاپور میں خام تیل کی تجارت کا آغاز تخفیف کے ساتھ ہوا۔ برینٹ کروڈ 0.93 فیصد کم ہوکر 81.23 ڈالر فی بیرل اور یو ایس کروڈ 1.20 فیصد کم ہوکر 79.89 ڈالر فی بیرل پر ہے۔

      پٹرول۔ ڈیزل کی نئی قیمت صبح 6 بجے ہوتی ہیں نافذ
      خیال رہے کہ پٹرول۔ ڈیزل کی قیمتیں ہر دن گھٹتی اور بڑھتی رہتی ہیں۔ پٹرول۔ ڈیزل کی نئی قیمت صبح 6 بجے سے نافذ ہو جاتی ہے۔ ان کی قیمت میں ایکسائز ڈیوٹی اور ڈیلر کمیشن سب کچھ جوڑنے کے بعد قیمت تقریبا دوگنی ہو جاتی ہے۔ پٹرول۔ ڈیزل کی روز کی قیمت آپ ایس ایم ایس کے ذریعہ بھی جان سکتے ہیں۔
      Published by:Sana Naeem
      First published: