ہوم » نیوز » شمالی ہندوستان

Petrol-Diesel Price Hike: پٹرول۔ڈیزل کی قیمتوں میں اضافہ،21دنوں میں تقریباً6روپئےکااضافہ

گزشتہ 4 مئی سے اب تک 21 دن پٹرول اور ڈیزل کی قیمتوں میں اضافہ کیا گیا ہے ، جبکہ باقی 16 دن قیمتوں میں کوئی تبدیلی نہیں کی گئی ہے۔ اس دوران دہلی میں پٹرول 5.16 روپے اور ڈیزل 5.74 روپے مہنگا ہوچکا ہے

  • Share this:
Petrol-Diesel Price Hike: پٹرول۔ڈیزل کی قیمتوں میں اضافہ،21دنوں میں تقریباً6روپئےکااضافہ
پٹرول۔ڈیزل کی قیمتوں میں اضافہ۔۔

پٹرول اور ڈیزل کی قیمتیں منگل کو مستحکم رہنے کے بعد آج ایک بار پھر نئی ریکارڈ سطح پر آگئی ہیں۔ملک کے چار میٹرو شہروں میں پٹرول 25 پیسے اور ڈیزل 27 پیسے مہنگا ہوگیا۔ معروف آئل مارکیٹنگ کمپنی انڈین آئل کارپوریشن کے مطابق بدھ کے روز قومی دارالحکومت دہلی میں پٹرول اور ڈیزل کی قیمتیں بالترتیب 25۔25 پیسے اضافے کے ساتھ بالترتیب 95.56 روپے اور 86.47 روپے فی لیٹر ہوگئیں۔


گزشتہ 4 مئی سے اب تک 21 دن پٹرول اور ڈیزل کی قیمتوں میں اضافہ کیا گیا ہے ، جبکہ باقی 16 دن قیمتوں میں کوئی تبدیلی نہیں کی گئی ہے۔ اس دوران دہلی میں پٹرول 5.16 روپے اور ڈیزل 5.74 روپے مہنگا ہوچکا ہے۔ممبئی میں پٹرول 24 پیسے مہنگا ہوکر 101.76 روپے ، چنئی میں 23 پیسے اضافے کے ساتھ 96.94 روپے اور کولکاتہ میں 24 پیسے بڑھ کر 95.52 روپے فی لیٹر ہوگیا۔



ممبئی میں ڈیزل 27 پیسے ، چنئی میں 23 پیسے اور کولکتہ میں 25 پیسے مہنگا ہوا۔ ممبئی میں ایک لیٹر ڈیزل کی قیمت 93.85 روپے، کولکاتہ میں 89.32 روپے اور چنئی میں 91.15 روپے ہوگئی ہے۔پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنا پر روزانہ صبح 6 بجے سے نئی قیمتوں پر عمل درآمد ہوتا ہے۔

آج ملک کے چار میٹرو شہروں میں پٹرول اور ڈیزل کی قیمتیں حسب ذیل ہیں:۔
شہر کا نام —— پیٹرول —— ڈیز ل
دہلی—— 95.56 ——86.47
ممبئی ——101.76 ——93.85
چنئی —— 96.94 -—— 91.15
کولکاتا —— 95.52 —— 89.32

پٹرول-ڈیزل کی قیمتیں کیوں بڑھ رہی ہیں؟

در اصل، ہندوستان میں پٹرول۔ ڈیزل کی خوردہ قیمت، عالمی منڈی میں خام تیل کی قیمت پر منحصر ہے۔ اس کا مطلب یہ ہے کہ اگر عالمی منڈی میں خام تیل کی قیمت کم ہے تو ہندوستان میں پٹرول ڈیزل سستا ہوگا۔ اگر خام تیل کی قیمت میں اضافہ ہوتا ہے تو پٹرول - ڈیزل کی قیمت میں اضافہ ہوگا لیکن ایسا ہر بار نہیں ہوتا ہے۔ جب عالمی منڈی میں خام تیل کی قیمت میں اضافہ ہوتا ہے تو ، اس کا بوجھ صارفین پر ڈال دیا جاتا ہے ، لیکن جب خام تیل کی قیمت کم ہوتی ہے تو ، حکومت اپنی محصول میں اضافے کے لئے صارفین پر ٹیکس عائد کرتی ہے۔
Published by: Mirzaghani Baig
First published: Jun 09, 2021 09:07 AM IST