Choose Municipal Ward
    CLICK HERE FOR DETAILED RESULTS
    ہوم » نیوز » عالمی منظر

    سعودی عرب نے بھی چھوڑا عمران کا ساتھ، دوستی بڑھانے کے لئے ہندوستان میں کر سکتا ہے اربوں ڈالر کی سرمایہ کاری

    سعودی عرب ویژن 2030 کے تحت پٹرولیم مصنوعات پر معاشی انحصار کو کم کرنے کی کوشش کر رہا ہے۔ ہندوستان سعودی عرب سے اپنی ضرورت کا 17 فیصد خام تیل اور 32 فیصد ایل پی جی خریدتا ہے۔

    • Share this:
    سعودی عرب نے بھی چھوڑا عمران کا ساتھ، دوستی بڑھانے کے لئے ہندوستان میں کر سکتا ہے اربوں ڈالر کی سرمایہ کاری
    فائل فوٹو۔(تصویر:نریندرمودی، ٹویٹر)۔

    نئی دہلی۔ سعودی عرب ہندوستان میں معاشی ترقی کے امکانات کے مدنظر پیٹرو کیمیکل، بنیادی ڈھانچہ اور کانکنی سمیت دیگر شعبوں میں 100 ارب ڈالر کی سرمایہ کاری کرنے کے امکانات دیکھ رہا ہے۔ سعودی عرب کے سفیر ڈاکٹر سعود بن محمد الساطی نے کہا کہ ہندوستان سرمایہ کاری کے لحاظ سے ایک پرکشش ملک ہے اور سعودی عرب تیل، گیس اور کانکنی جیسے اہم شعبوں میں ایک طویل مدتی شراکت داری پر غور کر رہا ہے۔


    پی ٹی آئی کے مطابق، انہوں نے کہا ’’ سعودی عرب، ایندھن، ریفائننگ، پیٹرو کیمیکل، بنیادی ڈھانچہ، زراعت اور کانکنی جیسے شعبوں میں 100 ارب ڈالر سرمایہ کاری کرنے کے مواقع پر غور کر رہا ہے‘‘۔ انہوں نے کہا کہ ہندوستان کی تیل سپلائی، خردہ ایندھن فروخت، پیٹرو کیمیکل میں آرامکو کا سرمایہ کاری کا منصوبہ ان شعبوں میں کمپنی کی عالمی توسیع کی حکمت عملی کا حصہ ہے۔


    سعودی عرب کا ویژن 2030


    الساطی نے کہا کہ سعودی عرب کے شہزادہ محمد بن سلمان کے ویژن 2030 سے بھی دونوں ملکوں کے درمیان مختلف شعبوں میں کاروبار میں قابل ذکر توسیع ہو گی۔ سعودی عرب ویژن 2030 کے تحت پٹرولیم مصنوعات پر معاشی انحصار کو کم کرنے کی کوشش کر رہا ہے۔ ہندوستان سعودی عرب سے اپنی ضرورت کا 17 فیصد خام تیل اور 32 فیصد ایل پی جی خریدتا ہے۔
    First published: Sep 30, 2019 11:29 AM IST
    corona virus btn
    corona virus btn
    Loading