Union Budget 2023: وزیرخزانہ سیتارمن نے بجٹ 2023 کی ان 7 خاص ترجیحات کاخاکہ کیاپیش

وزیر خزانہ نرملا سیتارامن (Nirmala Sitharaman) نے آج بدھ بروز 1 فروری 2023 کو پارلیمنٹ میں اپنی بجٹ 2023 کی تقریر میں کئی باتوں کا ذکر کیا ہے۔ جس سے شہریوں فائدہ ہوگا۔ انہوں نے بجٹ 2023 کی سات ترجیحات کا خاکہ پیش کیا اور انہیں ’سپ تریشی‘ کہا ہے۔ نرملا سیتا رمن نے کہا کہ بجٹ 2023 کا مقصد خواتین کو معاشی طور پر بااختیار بنانا اور نوجوانوں کے لیے روزگار پیدا کرنا ہے۔

نرملا سیتا رمن نے بجٹ 2023 کی پیشکش کے دوران کہا کہ پی ایم وشوکرما کوشل سمن کے تحت روایتی کاریگروں کو پہلی بار امداد کا ایک پیکیج ملے گا جو ان کی مصنوعات کے معیار، پیمانے اور پہنچ کو بہتر بنانے پر توجہ مرکوز کرے گا۔ وزیر خزانہ نے کہا کہ پیکج میں مالی مدد، ہنر کی تربیت، ڈیجیٹل، گرین تکنیک، برانڈ پروموشن، ڈیجیٹل ادائیگی، سماجی تحفظ وغیرہ شامل ہوں گے۔

مرکزی وزیر خزانہ نرملا سیتارامن نے بدھ کے روز پارلیمنٹ میں اپنی بجٹ تقریر کے دوران کہا کہ ڈیجیٹل ادائیگیوں میں نمایاں اضافہ کے ذریعہ ہندوستانی معیشت مزید مضبوط ہوئی ہے۔ انہوں نے گزشتہ برسوں میں ڈیجیٹل ادائیگیوں میں اضافے کی ستائش کی اور بتایا کہ 2022 میں یو پی آئی کے ذریعے 126 لاکھ کروڑ روپے کی تقریباً 7,400 کروڑ ڈیجیٹل ادائیگیاں کی گئیں۔

وزیر خزانہ نرملا سیتا رمن نے کہا کہ چیلنجوں کے باوجود ہندوستانی معیشت صحیح راستے پر گامزن ہے اور حکومت نے عالمی وبا کورونا وائرس (Covid-19) کے دوران 80 کروڑ غریب لوگوں کو مفت خوراک فراہم کی۔ انھوں نے ایک نئے ایگریکلچر ایکسلریٹر فنڈ کا اعلان کیا۔

مرکزی بجٹ 2023 کی سات ترجیحات یہ ہیں:

1. جامع ترقی

2. آخری شہری تک پہنچنا

3. انفراسٹرکچر اور سرمایہ کاری

4. صلاحیتوں میں اضافہ

5. سبز ترقی

6. نوجوانوں کی طاقت

7. مالیاتی شعبہ پر خصوصی توجہ

یہ بھی پڑھیں: 

• بجٹ میں امپورٹ ڈیوٹی طئے کریں گے سونے کی قیمتیں، لگاتار بڑھ رہی ہیں قیمت


• مرکزی بجٹ 2023 آج پارلیمنٹ میں کیا جائے گا پیش، نرملا سیتارمن سے یہ ہیں بڑی امیدیں


• آج سے بدل جائیں گے یہ بڑے قوانین، آپ کی جیب پر ہوگا سیدھا اثر، جانئے کیسے


• ریلائنس جیو کا ٹرو 5 جی مزید 34 شہرو ں میں لانچ، اب تک کل 225 شہروں تک پہنچا نیٹ ورک

جیسا کہ نرملا سیتا رمن نے ہر ایک ترجیحات کی وضاحت کی، انہوں نے کہا کہ حکومت نے ہمیشہ شمال مشرق اور جموں و کشمیر کی ترقی کو یقینی بناتے ہوئے جامع ترقی کی سمت کام کیا ہے۔

نرملا سیتا رمن نے پردھان منتری آواس یوجنا میں 66 فیصد اضافہ کرکے 79,000 کروڑ سے زیادہ کرنے کا اعلان کیا۔ کیپٹل انویسٹمنٹ آؤٹ لی 33 فیصد بڑھ کر 10 لاکھ کروڑ ہو گئی۔